بھٹکل میں ایک شخص نے اپنے مکان میں ہی پھانسی پر لٹک کر کی خودکشی
بھٹکل 6/نومبر (ایس او نیوز) کسی بات کو لے کر پریشان ایک شخص نے اپنے ہی مکان کی چھت سے لٹک کر خودکشی کرلی جس کی شناخت رمیش مُتّھو گوپال ہریجن (45) کے طور پر کی گئی ہے۔ واردات اتوار رات کو تعلقہ کے کوٹیشور اسٹریٹ کے ہریجن کیری میں پیش آئی۔
پتہ چلا ہے کہ وہ میونسپالٹی میں مزدوری کا کام کرتا تھا، ایک ہفتہ سے کسی بات کو لے کر پریشان تھا اور گھروالوں سے صحیح ڈھنگ سے بات نہیں کررہا تھا، بتایا گیا ہے کہ اتوار رات کو اپنی ہی لنگی کو چھت سے لٹکا کر پھانسی دیتے ہوئے خودکشی کی ہے ۔
بھٹکل ٹاون پولس تھانہ میں معاملہ درج کیا گیا ہے۔