کرناٹک میں 26 اپریل اور 7 مئی کو 2 مرحلوں میں ہوگی پولنگ
بنگلورو، 17/ مارچ (ایس او نیوز /ایجنسی) کرنا ٹک میں 2 مرحلوں میں 26 اپریل اور 7 مئی کو پارلیمانی انتخابات ہوں گے، الیکشن کمیشن آف انڈیا ( ای سی آئی) نے ہفتہ کو آئندہ لوک سبھا انتخابات کے شیڈول کا اعلان کیا ہے۔ کرنا ٹک میں 28 سیٹوں کے لیے ووٹنگ دو مرحلوں میں 26 اپریل اور 7 مئی کو ہونے والی ہے۔
چیف الیکشن کمیشن راجیو شرما نے بتایا کہ جنوبی کرناٹک کی 14 سیٹوں پر پہلے مرحلے میں پولنگ ہوگی ۔واضح رہے کہ پہلے مرحلے کے لیے پرچہ نامزدگی داخل کرنے کی آخری تاریخ 4 اپریل ہے اور 8 اپریل تک نامزدگی واپس لیے جاسکتے ہیں۔ قابل ذکر بات یہ ہے کہ باقی 14 حلقوں میں دوسرے مرحلے میں 7 مئی کو روٹ ڈالے جائیں گے۔ کا غذات نامزدگی داخل کرنے کی آخری تاریخ 19 اپریل ہے اور 22 اپریل تک کا غذات نامزدگی واپس لیے جاسکتے ہیں۔ 2019 کے پچھلے عام انتخابات کی طرح اس سال بھی لوک سبھا انتخابات سات مرحلوں میں ہوں گے اورملک بھر میں 19 اپریل سے یکم جون تک منعقد ہونے والے ہیں۔
کرناٹک میں جملہ دو ٹرس 54208088: کرناٹک کے چیف الیکشن کمشنر نے اپنی پریس کا نفرنس کے دوران ریاست میں انتخابی تیاریوں اور انتظامات کی تفصیلات بتاتے ہوئے کہا کہ اس مرتبہ کرنا ٹک میں جملہ ووٹرس کی تعداد 54208088 ہے، جن میں مرد ووٹرس کی 27121407 ، خاتون ووٹرس 27081748 ، تیسری جنس کےووٹرس 4933 ہیں، ان کے علاوہ سرویس ووٹرس کی تعداد 46412 ہے، بیرونی ممالک میں مقیم ووٹرس 3200 ہیں، 18 تا 19 سال کی عمر کے 1124622 اور 85 سے زائد عمر کے معمر ووٹروں کی تعداد 570168 ہے، معذور ووٹرل 612154 ہیں، بنگلورو نارتھ کے پارلیمانی حلقہ میں سب سے زیادہ 3174098 ووٹرس اور سب سے کم ووٹروں کی تعداد اڈپی چکمگلورو پارلیمانی حلقہ میں 1572958 ہے، اسمبلی حلقوں کی بنیاد پر سب سے زیادہ ووٹرس بنگلورو ساؤتھ حلقہ میں 733313 ووٹرس ہیں، اور سب سے کم ووٹرس چکمگلور وضلع کے سرینگیری اسمبلی حلقہ میں 168084 ووٹرس ہیں ، ریاست بھر میں پولنگ کے لئے 58834 پولنگ بوتھس بنائے گئے ہیں شہری علاقوں میں 21682 اور دیہی علاقوں میں 37152 بانک بوتھ بنائے جار ہے ہیں، سب سے زیادہ پولنگ بوتھ بنگلور نارتھ پارلیمانی حلقہ میں 2911 اور سب سے کم پولنگ بوتھ اُڈپی چکمگلورو حلقہ میں 1842 بوتھ بنائے جارہے ہیں۔ بزرگ ووٹرس اور خاتون ووٹرس کی سہولت کے لئے ریمپ کی سہولت، پینے کے پانی بجلی فرنیچر ، ویٹنگ روم خاتون اور مرد ووٹرس کیلئے بیت الخلاؤں کی سہولت اور سائن بورڈس بھی پولنگ بوتھوں پر لگائے جائینگے۔
پولنگ کیلئے جہاں 279752 افراد کی ضرورت ہے، 351153 افراد کو تربیت دی جارہی ہے۔ 4800 مائکر و ا بزرورس کا تقرر کیا جارہا ہے عملہ کی کوئی کمی نہیں ہے۔ الیکشن نوٹیفکیشن جاری ہونے کے 10 دنوں کے اندر ہی انہیں تربیت دیدی جائیگی، مائکر و ابزرورس کو پولنگ کی تاریخ سے 5 دن قبل تربیت مکمل کرلی جائے گی ، ریاست میں پولنگ کیلئے 110946 کی میں وی وی پیاٹ اور اے وی ایم مشین حاصل کر لی گئی ہیں، ریاست بھر کے پارلیمانی حلقوں میں 2357 افراد کو فلائنگ اسکواڈ میں ایس ایس کی ٹیم میں 2669ویڈ یو سروی لینس ٹیموں میں 647 ٹیمیں اکاؤنٹس کا جائزہ لینے 258 اینفورسمنٹ ٹیمیں بنائی جارہی ہیں۔