بھٹکل 18 / جنوری (ایس او نیوز) کائکینی گرام پنچایت کے بستی میں واقع ایک ہوٹل کے کمرے میں کنداپور سے تعلق رکھنے والے ایک شخص کی لاش برآمد ہوئی جس کی شناخت چندرشیکھر شنکر شیٹی (44) کے طور پر کی گئی ہے ۔ 

    بتایا جاتا ہے کہ چندرشیکھر شیٹی پیر کے دن ہوٹل میں کمرہ لیا تھا ۔ بدھ کے دن بھی اس کا کمرہ بند رہنے کی وجہ سے تالا توڑ کر اندر دیکھا گیا تو وہاں بستر پر اس کی لاش پڑی ہوئی تھی ۔ پولیس نے جائے وقوع پر پہنچ کر معائنہ کیا اور لاش کو پوسٹ مارٹم کے لئے بھیج دیا گیا ۔    

    پولیس نے شبہ ظاہرکیا ہے کہ شائد اس نے خود کشی کی ہوگی ۔ مرڈیشور پولیس اسٹیشن میں معاملہ درج کیا گیا ہے ۔ مزید تحقیقات جاری ہے ۔