اترکنڑا میں پانی کی اندرونی سطح میں خوفناک کمی : موسم گرما کے ابتداء میں ہی پانی کامسئلہ پید اہونےکا خدشہ
کاروار :9؍مارچ (ایس اؤ نیوز ) اترکنڑا ضلع میں رواں سال پانی کی اندرونی سطح میں کمی دیکھی جارہی ہے۔ موسم گرما کے ابتداء میں ہی پانی کا مسئلہ کھڑاہونےکا خدشہ جتایاجارہاہے۔ ہر سال جن مقامات پر زیادہ بارش ہوتی ہے انہی مقامات پرپانی کی اندرونی سطح میں زیادہ کمی ہوئی ہے۔
جنوری 2023کے آخر میں پانی کی اندرونی سطح کی شرح 6.76میٹر اندر تک کمی ہوئی تھی جب امسال جنوری آخر تک 7.56میٹر تک کمی دیکھی گئی ہے۔ اگر پچھلے سال سےموازنہ کریں تو 0.8میٹر کا فرق ہواہے۔ خاص کر ہلیال میں پانی کی اندرونی سطح میں خوف ناک کمی ہوئی ہے۔ گذشتہ سال سے زیادہ امسال 7.06میٹر سے زائد کی کمی ہوئی ہے۔ دراصل یہ موسم گرما کے اپریل مئی میں ہونےوالی کمی سے زیادہ ہے۔ یلاپور اور سداپور تعلقہ جات میں دیگر تعلقہ جات سے زیادہ کمی ہوئی ہے۔
بورویل میں اضافہ ہونے سے پانی کی اندرونی سطح میں کمی ہونےکی ایک اہم وجہ ہے۔ ہلیال کے علاقے میں گنے کےکاشت کار گنے کی فصل بچانے کےلئے کئی سارے بورویل کھود کر پانی بہائے ہیں۔ ماہر اراضی کا کہنا ہے کہ اسی وجہ سےپانی کی اندرونی سطح میں کمی ہوئی ہے۔
سال 2023میں ضلع میں جو خشک سالی پڑی تھی اس سےبھی پانی کی سطح میں کمی ہوئی ہے۔ مان سون میں بارش کم ہونے کے باوجود دیگر موسم میں ہونے والی بارش کی وجہ سے زیادہ مسئلہ نہیں ہوتاتھا۔ لیکن ڈسمبر کے بعد ایسی کوئی بارش نہیں ہونےکی وجہ سے بھی پانی کی سطح میں کمی ہونےکا ماہرین نے خیال ظاہر کیا ہے۔ضلع کے مختلف تعلقہ جات میں سال 2023اور سال 2024 میں ہونے والی پانی کی اندرونی سطح میں کمی دیکھ سکتےہیں۔
| سال 2024 | سال 2023 | تعلقہ |
| 7.01 | 7.11 | انکولہ |
| 5.66 | 5.83 | بھٹکل |
| 15.01 | 7.95 | ہلیال |
| 8.24 | 8.49 | ہوناور |
| 3.70 | 4.01 | کاروار |
| 5.53 | 5.80 | کمٹہ |
| 7.11 | 5.50 | منڈگوڈ |
| 9.57 | 9.82 | سداپور |
| 7.80 | 7.32 | سرسی |
| 5.54 | 5.46 | جوئیڈا |
| 10.10 | 9.53 | یلاپور |
| 5.40 | 4.34 | ڈانڈیلی |
