کاروار :25؍فروری   (ایس اؤ نیوز )گھر کے کرایہ یا رہن (لیز) کےمتعلق معاہدہ کےلئے ای۔ اسٹامپ دستاویز کےلئے کوآپریٹیو سوسائٹیوں کے چکر لگانے پڑتے تھے۔ بعض دفعہ فوری ضرورت ہونے پر چھٹیوں یا پھر سرور کے مسائل کو لے کر کام ممکن نہیں ہوپاتا تھا۔ عوام کو روزانہ کا چکرکاٹنےسے راحت دینے کے سلسلےمیں 24گھنٹےآن لائن ای ۔ اسٹامپ پیپر(معاہدہ دستاویز) ، قانونی کاغذات مسودہ کی نقل عوام تک پہنچانے کےلئے لیگل کرناٹک  ڈاٹ کوم ویب سائٹ کا اجراء کیاگیا ہے۔

اس سلسلےمیں عوام کو راحت دینے کےلئے عوام کے گھروں تک ریاستی حکومت کے تعاون سے لیگل کرناٹک ڈاٹ کوم کے ذریعے ای ۔ اسٹامپ پیپراور قانونی کاغذات مسودہ کی نقل (ڈرافٹ) پہنچانے کا منصوبہ بہت جلد جاری کیاجائےگا۔ ای ۔ اسٹامپ پیپر کے ساتھ جن نکات پر معاہدہ کیاجانا ہے اس کی ایک نقل بھی پہنچائی جائے گی۔ جس کے لئے ادارے نے الگ سے لیگل کرناٹک ڈاٹ کوم ویب سائٹ کو تشکیل دیاہے۔ جن کو معاہدہ کرنا ہے اگر وہ اپنی معلومات ویب سائٹ پر درج کرتےہیں تو آدھے گھنٹے میں ای ۔ اسٹامپ والی مسودہ نقل (ڈرافٹ) گاہکوں تک پہنچے گی ۔

سال 2008میں ریاستی حکومت نے ای ۔ اسٹامپنگ نظام کو جاری کیاتھا۔ جس کے تحت محکمہ رجسٹریشن  اینڈ اسٹامپنگ میں جائیداد کی خریدو فروخت کی رجسٹریشن، گھرو ں کےلیز یا کرایہ پر دینے ، آپسی شراکت داری، جائیداد کو رہن پر دینے، قرضہ لینے ، جائیداد تبدیلی کےلئے ، لین دین کے لئے ، عمارت اور ٹھیکداری معاہدات ، مثالی خدمات ، شراکت داری سمیت مختلف نوعیت کے معاہدات  کےلئے ای ۔ اسٹامپ پیپر کی ضرورت ہوتی ہے۔ اس طرح کسی بھی لین دین کو ای ۔ اسٹامپ پیپر کے ذریعے مصدقہ شدہ معاہدہ کرتےہوئے قانونی سطح پر تصدیق کرائی جاتی ہے۔ متعلقہ ادارہ معاہدہ دستاویز، افی ڈیوٹ سے لے کر لیگل ڈاکیومنٹ ڈرافٹنگ کی خدمات ماہر قانون دانوں سے مہیا کرےگا۔