کاروار :10؍ جنوری  (ایس اؤ نیوز ) فسادات کے بغیر بی جےپی نے کبھی جیت حاصل کی ہے کیا؟،وہ لوگ انتخابات کے لئے کچھ بھی کرسکتےہیں اور اس کے لئے تیار رہتےہیں۔ اترکنڑا ضلع نگراں کاروزیر منکال وئیدیا نے ان خیالات کااظہار کیا۔

کاروار میں  اپنے دورے کے موقع پر اخبارنویسوں سے   بی جےپی پر کڑی تنقید کرتے ہوئے کہاکہ بی جےپی کے تین ایجنڈے ہیں۔ پہلا جھوٹ بولنا، دوسرا فسادات برپا کرنا اور تیسرا بھگوان کے نام پر جھوٹ بول کر سیاست چمکانا۔ اگر بی جےپی والے واقعی میں رام کے اصلی بھگت ہوتے تو ایسا نہیں کرتے ۔ وزیر منکال دئیدیا نے کہاکہ میں خود بھی رام کا بھگت ہوں۔ میں نے بھی بھٹکل میں رام مندر تعمیر کرایاہے۔وزیر موصوف نے بی جےپی پر سوال اٹھاتے ہوئے کہاکہ  شری رام  کی پورے ہندؤپوجا کرتےہیں صرف بی جےپی کے ہی نہیں ہیں۔ اور اب ابھی رام مند کا افتتاح بھی نہیں ہواہے لیکن پرساد(منتراکشتے )دیا جارہاہے، پوجا کئے بغیر کیسے پرساد تقسیم کرتےہیں۔ ہاں اگر پوجا کے بعد یہ سب ہوتا تو ٹھیک تھا۔ مودی کی تصویر لے کر تشہیر کیوں کی جارہی ہے، پرساد دینے میں مودی کی تصویر کا کیا کام ، مودی اور یوگی کےکٹ آؤٹ کیوں لگائے گئےہیں۔ یہ سب کسی کی رقم سے بنایا نہیں گیا ہے بلکہ ہم نے بھی چندہ دیا ہے، بی جےپی والے یہ سب ناٹک بند کریں تو بہتر ہوگا۔ بی جےپی والوں کی بھگتی جعلی ہے، اصلی بھگت ہنگامہ نہیں کرتے، ریاست میں ہماری حکومت بھی پولس سکیورٹی کا انتظام کئے جانےکی بات کہی۔

تین نائب وزرائے اعلیٰ پر گفتگو ہوئی ہی نہیں : کانگریس پارٹی میں ابھی تک تین نائب وزرائے اعلیٰ بنائے جانے پر کوئی غور، گفتگو نہیں ہوئی ہے۔ ہاں ، اگر کچھ کرنا ہے تو ہائی کمان کے فیصلے کے مطابق ہوگا۔ اگر ترقی کی خاطر تین نائب وزائے اعلیٰ بنانے ہوں تو بنا دیں گے۔ جب کہ ابھی تک کسی لیڈر نے نائب وزرائے اعلیٰ بنائے جانےکی پیش کش بھی  نہیں کی ہےاور نہ اس پر کوئی بات چیت ہوئی ہے۔ پارٹی لیڈران اور ہائی کمان کے درمیان اختلافات نہیں ہونے کی بات کہی۔