بھٹکل 17/ دسمبر (ایس او نیوز) کرناٹکا کے گورنر تھاو چند گہلوت نے مشہورسیاحتی مرکزمرڈیشور میں مندر پہنچ کر درشن اور پوجا کی کارروائی انجام دی جہاں ان کا پرتپاک استقبال کیا گیا۔
اس موقع پر مندر انتظامیہ کمیٹی کی طرف سے گورنر موصوف کی شال پوشی اور تنہیت کی گئی ۔ یاد رہے کہ اس سے قبل 2021 میں بھی انہوں نے مرڈیشور کا دورہ کیا تھا ۔ گورنر مندر کے 'وزیٹرس بک' میں اپنے تاثرات کے طور پر امن عالم کے لئے صرف ایک دعائیہ جملہ لکھا ۔
انہوں نے مرڈیشور کے ساحل ، خوبصورت ماحول اور شاندار مندر کے تعلق سے اپنی مسرت اور خوشی کا اظہار کیا ۔
گورنر کے دورہ کے موقع پر ضلع ڈپٹی کمشنر گنگو بائی مانکر، اسسٹنٹ کمشنر ڈاکٹر نینا این، تحصیلدار تیپّے سوامی، مندر کے مینیجرمنجو ناتھ شیٹی، ستیش شٹی وغیرہ موجود تھے ۔ اس دورہ کے پس منظر میں پولیس نے علاقے میں حفاظتی بندوبست سخت کر دیا تھا ۔