کورونا متاثرہ ریاستوں سے آنے والوں پر لاگو، انسٹی ٹیوشنل کوارنٹائن کی میعاد صرف 7دن

Source: S.O. News Service | Published on 31st May 2020, 11:40 AM | ریاستی خبریں | ان خبروں کو پڑھنا مت بھولئے |

شیموگہ،31؍مئی(ایس او  نیوز)حکومت کی نئی رہنما ہدایات کے مطابق کورونا سے متاثرہ ریاستوں سے آنے والوں کیلئے 14دنوں کے بجائے صرف 7دن انسٹی ٹیوشنل کوارنٹائن گزار کر وہ گھر واپس جاسکتے ہیں۔ بقیہ 7دنوں تک انہیں گھر میں ہی کوارنٹائن ہونا پڑے گا۔ ڈپٹی کمشنر کے بی شیو کمار نے یہ بتایا۔ ڈپٹی کمشنر کے دفتر میں جمعرات کو منعقدہ ہیلتھ کمیٹی کی میٹنگ میں وہ تقریر کر رہے تھے۔

انہوں نے کہا کہ اب تک بیرونی ریاستوں سے آنے والوں کیلئے 14 دنوں کا انسٹی ٹیوشنل کوارنٹائن مقرر کیا گیا تھا۔ نئی رہنما ہدایات کے مطابق اب اسے سات دنوں تک گھٹایا گیا ہے۔ انہوں نے کہا کہ فی الحال مختلف ہاسٹلوں میں 553/افراد کوارنٹائن میں ہیں۔ ہر ہاسٹل کا دورہ کرکے 7دنوں کا کوارنٹائن مکمل کرنے و الوں کی صحت کی جانچ کرا ئی جائے۔ ان کے ہاتھوں پر مہر لگا کر انہیں ہوم کوارنٹائن کیلئے روانہ کیا جائے۔ اس کیلئے ہر تعلقہ میں ایک نوڈل آفیسر نامزد کرنے کی انہوں نے ہدایت دی۔

انہوں نے کہا کہ ایسے لوگوں پرمسلسل نگاہ رکھی جائے۔ ان کی فہرست تیار کرکے پی ڈی او رتعلقہ سطح کے افسرو ں کو ر وانہ کیا جائے۔ کوروناکی کثرت والی ریاستوں سے آنے والوں کو چھوڑ کردیگر ریاستوں سے آنے والے لوگوں کو سیدھے گھر روانہ کر کے انہیں ہوم کوارنٹائن کیا جائے اور ان پر سخت نگاہ رکھی جائے۔ نئی رہنما ہدایات کے مطابق ابتدائی ر ابطہ رکھنے والوں کو ہوم کوارنٹائن کیا جائے۔ کوارنٹائن میں جانے سے پہلے انہیں کوارنٹائن واچ ایپ ڈاؤن لوڈ کرنے کی ہدایت دی جائے۔

ضلع پنچایت کے سی ای او ایم ایل وائشالی، اڈیشنل ڈپٹی کمشنر جی انورادھا، میڈیکل کالج کے ڈائرکٹر گرو پادپا،ڈسٹرکٹ ہیلتھ اینڈ فیملی ویلفیر آفیسر ڈاکٹر راجیش سرگی ہلی، ڈسٹرکٹ سروے آفیسر ڈاکٹر شنکرپا اس موقع پرموجود تھے۔

ایک نظر اس پر بھی

کرناٹک وزیر اعلی کو بلیک میل کرنے والی سی ڈی کی وضاحت کریں: عبدالحنان

سوشیل ڈیموکریٹک پارٹی آف انڈیا ( ایس ڈی پی آئی ) کے ریاستی صدر عبدالحنان نے اپنے جاری کردہ اخباری اعلامیہ میں کہا ہے کہ گزشتہ کئی دنوں سے کرناٹک کی سیاست میں ایک خفیہ سی ڈی کے تعلق سے عوام بہت بے چین ہے ۔

امیت شاہ کے دورہ کے بعد نئے وزراء میں قلمدانوں کی تقسیم ،قلمدانوں میں بھاری پیمانے پر ردو بدل کی سیاسی حلقوں میں قیاس آرائی

ریاستی وزیر اعلیٰ بی ایس ایڈی یورپا نے آج جمعہ کے دن اشارہ دیا ہے کہ مرکزی وزیر برائے داخلہ امیت شاہ کے دورہ کرناٹک  کے بعد سات نئے وزراء کے قلمدانوں کی تقسیم کی جائے  گی ۔

سرسی میں 26جنوری کو کسانوں کی حمایت میں ٹریکٹر ریلی کے ذریعے متبادل یوم ِ جمہوریہ پریڈ

مرکزی اور ریاستی حکومتوں کی طرف سےجاری کئے گئے نئے زرعی قوانین کی مخالفت میں 26جنوری کو سرسی میں بڑےپیمانے پر ’’ٹریکٹر ریلی ‘‘کا اہتمام کرتےہوئے سبھی کسان تنظیموں نے کسان یوم ِ جمہوریہ منانے کا فیصلہ کئے جانےکی بھومی حقو ہوراٹ گارر ویدیکے کے رویندر نائک نےجانکاری دی۔