بنگلورو، 14/ستمبر (ایس او نیوز/ایجنسی) کرناٹک اسمبلی کے اسپیکر یو ٹی قادر نے ہاسن میں ان کے اعزاز میں منعقدہ تہنیتی تقریب کے دوران کہا ہے کہ اس وقت ان کا تعلق کسی  سیاسی پارٹی سے نہیں ہے انہیں ریاستی اسمبلی کے اسپیکر کا عہدہ سونپا گیا ہے اور اسپیکر کی حیثیت سے اس وقت ان کا دھرم  صرف دستور ہند ہے اور وہ ان کی پارٹی ہے۔ انہیں دستور ہند کے تحت اپنی ذمہ داری نبھانی پڑتی ہے اور یہ ذمہ داری وہ پوری ایمانداری سے نبھانے کی کوشش کررہے ہیں۔

میں نے اپنی سیاس پارٹی سے بھی اسپیکر بننے کے بعد دستور کے تحت استعفیٰ دے دیا ہے۔ اس ملک کے عوام کو جو یکساں حقوق اگر حاصل ہورہے ہیں تو وہ اس ملک کیلئے بابا صاحب امیبڈ کر کے بنائے گئے دستور کے تحت ہی حاصل ہورہے ہیں۔ دستور ہند پر عمل کرنا اس ملک کے ہر بالغ شہری کا فرض بھی ہے۔ دستور ہند کے تحت ملک میں حکومت چلائی جائے گی تو ملک ترقی کرسکتا ہے۔