کڈبا:12؍ مارچ (ایس او نیوز)تعلقہ کے رام کونج دیہات کے گولیتڈی کے مکین نبیسہ کےگھر میں زیورات اور نقد چوری ہونے کی واردات پیش آئی ہے۔

نبیسہ کی  بیٹی کی زچگی کو لےکر نبیسہ اور ان کےداماد منگلورو اسپتال گئےہوئےتھے ۔ پچھلے چار پانچ دنوں سے گھر میں کوئی نہیں تھا۔ 11 مارچ کی شام گھر والے جب گھر لوٹے تو گھر کے پیچھےکا دروازہ ٹوٹا ہوا پایا اور اندرجاکر دیکھنے کےبعد پتہ چلا کہ گھر میں چوری ہوئی ہے۔

گھر کی الماری میں رکھے ہوئے 1،08،000روپئے نقد اور قریب 13پون کے زیورات (قریب 5،20،000روپئے مالیت )چوری ہونے کا پتہ چلاہے ۔ نبیسہ کے بیٹے صدیق کی طرف سے پولس تھانہ میں شکایت درج کی گئی ہے۔ کڈبا پولس تھانےکی پولس نے کیس درج کرلینے کےبعد جانچ میں جٹی ہوئی ہے۔