اسرائیل کا غزہ پر پھر فضائی حملہ، غباروں کے جواب میں گولے داغے!

Source: S.O. News Service | Published on 16th June 2021, 5:04 PM | عالمی خبریں |

غزہ،16؍جون (ایس او نیوز؍ایجنسی) اسرائیل نے نئی حکومت تشکیل دئے جانے کے بعد فلسطین پر پھر آگ برسانی شروع کر دی ہے۔ اسرائیلی فوج کا کہنا ہے کہ اس نے غزہ میں واقع حماس کے ٹھکانوں کو نشانہ بنایا ہے اور یہ کارروائی غزہ پٹی کی جانب سے بھیجے جانے والے غبارے کے بعد کی گئی ہے۔

بی بی سی کے مطابق بدھ کو علی الصبح غزہ شہر اسرائیل کے فضائی حملوں سے دہل گیا۔ اسرائیل ڈفینس فورس (آئی ڈی ایف) نے کہا کہ اس کے جنگی طیاروں نے خان یونس اور غزہ شہر میں حماس کے تعمیرات کو نشانہ بنایا۔ آئی ڈی ایف کے بیان میں کہا گیا، ’’ان تعمیرات میں دہشت گرد سرگرمیاں چل رہی تھیں۔ غزہ پٹی سے جاری دہشت گرد حرکتوں کے پیش نظر آئی ڈی ایف جنگ شروع کرنے سمیت ہر طرح کے حالات کا مقابلہ کرنے کے لئے تیار ہے۔‘‘

تاحال یہ واضح نہیں ہے کہ اسرائیلی فضائی حملوں میں کوئی جانی یا مالی نقصان ہوا ہے یا نہیں۔ اسرائیل میں حال ہی میں مخلوط حکومت کی تشکیل کے بعد اسرائیل اور حماس کے مابین یہ پہلی پر تشدد چھڑپ ہے۔ مئی کے مہینے میں دونوں فریقین کے درمیان 11 دن تک خونیں جنگ چلی تھی اور 21 مئی کو جنگ بندی کا اعلان ہوا تھا۔

اس سے قبل منگل کے روز  یہودی قوم پرستوں نے اسرائیل کے قبضہ والے مشرقی یروشلم میں ایک جلوس نکالا تھا۔ اس کے بعد غزہ پر حکمرانی والی حماس نے دھمکیاں دی تھیں۔ اسرائیل کا کہنا ہے کہ منگل کے روز غزہ کی جانب سے متعدد غبارے بھیجے گئے تھے، جن کی وجہ سے کئی مقامات پر آگ لگ گئی۔

اسرائیلی فائر سروس کے مطابق ان غباروں کی وجہ سے جنوبی اسرائیل کے کھیتوں میں آگ لگنے کے کم از کم 20 واقعات رونما ہوئے ہیں۔

ایک نظر اس پر بھی

بدھ کو ہندوستان بھر  میں منائی جائے گی عیدالاضحٰی  ؛ سعودی عربیہ، دبئی ، عمان و دنیا کے دیگر کئی  ملکوں میں آج منگل کومنائی جارہی ہے  عید 

بھٹکل اور ریاست کرناٹک سمیت پورے ملک میں کل بدھ 21 جولائی   کو عید الاضحیٰ منائی جائے گی، البتہ سعودی عربیہ، متحدہ عرب امارات،  عمان، کویت اور گلف کے دیگر ملکوں سمیت دیگر مختلف ممالک میں آج منگل کو ہی عید منائی جارہی ہے۔

امریکا کا افغان امن عمل کی حمایت کیلئے ’ٹھوس اقدامات‘ کی ضرورت پر زور

امریکا نے افغان امن عمل کی حمایت کے لیے ’ٹھوس اقدامات‘ کی ضرورت پر زور دیا ہے۔ڈان اخبار کی رپورٹ کے مطابق امریکا کی جانب افغان امن عمل سے متعلق بیان افغانستان کے لیے امریکا کے نمائندہ خصوصی زلمے خلیل زاد اور وزیر اعظم عمران خان کے مابین ہونے والی ملاقات کے بعد سامنے آیا۔

حجاب کے متعلق یوروپی عدالت کا فیصلہ اسلاموفوبیا کی علامت ہے: ترکی

  ترکی نے  یورو پی کمپنیوں کو ملازمین کے حجاب پہننے پر پابندی کی اجازت دینے کے یوروپی عدالت انصاف کے فیصلے کی شدید مذمت کرتے ہوئے اسے بڑھتے ہوئے اسلاموفوبیا کی علامت اور مذہبی آزادی کی صریحاً خلاف ورزی قرار دیا ہے۔

آسٹریلیا میں 80 فیصد مسلمانوں کو امتیازی سلوک کا سامنا ہے: انسانی حقوق کمیشن کی رپورٹ

آسٹریلوی انسانی حقوق کمیشن کا کہنا ہے کہ آسٹریلیا میں مسلمانوں کی اکثریت کو امتیازی سلوک کا سامنا ہے۔ آسٹریلوی انسانی حقوق کمیشن کی پیر کے روز شائع ہونے والی ایک رپورٹ کے مطابق آسٹریلیا میں 80 فیصد مسلمانوں کو تعصب یا امتیازی سلوک کا سامنا کرنا پڑا ہے۔

جرمنی کو تاریخ کے بدترین سیلاب کا سامنا، ہلاک شدگان کی تعداد 150 سے تجاوز، 1000 لاپتہ

 جرمنی کو اس وقت 200 سالہ تاریخ کے بد ترین سیلاب کا سامنا ہے، جس کے نتیجہ میں اب تک 150 سے زائد افراد ہلاک ہو چکے ہیں جبکہ 1000 سے زائد افراد لاپتہ ہیں۔ اتنا ہی نہیں سیلابی صورت حال کے پیش نظر 2 لاکھ گھروں کی بجلی کی سپائی بھی منقطع ہو گئی ہے۔

عراق: اسپتال کے کورونا وارڈ میں خوفناک آتشزدگی، 52 افراد جان بحق

عراق کے شہر ناصریہ میں اسپتال کے کورونا وارڈ میں آگ لگ گئی جس کے نتیجے میں 52 افراد جان بحق ہو گئے۔ حکام کے مطابق 16 افراد کو بچا لیا گیا جبکہ 22 زخمی ہیں جن میں سے دو افراد کی حالت نازک ہے۔ حکام کا کہنا ہے کہ کورونا وارڈ میں مزید افراد کی موجودگی کی اطلاعات ہیں جن کی تلاش جاری ہے۔