سوشیل میڈیا پر فلسطین کی حمایت میں اسٹیٹس رکھنے پر وجیا نگر میں نوجوان گرفتار
بنگلورو 13 / اکتوبر (ایس او نیوز) فلسطین کی حمایت میں سوشیل میڈیا اسٹیٹس رکھنے پر ہوسپیٹ ضلع کے وجیا نگر میں ایک 20 سالہ نوجوان کو پولیس نے کل رات میں گرفتار کر لیا ۔
مقامی میڈیا کے حوالے سے فری پریس جرنل میں شائع شدہ خبر کے مطابق وجیا نگر پولیس نے جس نوجوان کو گرفتار کیا ہے اس کا نام عالم باشاہ ہے اور اس پر الزام ہے کہ مبینہ طور پر اس نے "فلسطین کی حمایت" میں سوشیل میڈیا پلیٹ فارم پر "اشتعال انگیز" نعرے والا میسیج پوسٹ کیا تھا ۔ بتایا جاتا ہے کہ پولیس نے ملزم عالم باشاہ کو سی آر پی سی کی دفعات 108 اور 151 گرفتار کیا اور اسے ایکزیکٹیو میجسٹریٹ کے روبرو پیش کیا گیا ۔