مینگلور 8 مارچ (ایس او نیوز) بھٹکلی جماعت المسلمین منگلورکے لئے جمعرات شب کو عہدیداران کا انتخاب عمل میں آیا جس میں صدر کے عہدہ پر جناب دامدا امتیاز منتخب ہوئے جبکہ جنرل سکریٹری کے عہدہ طیب علی اکبرا کا انتخاب عمل میں آیا۔
الیکشن کمشنر عبداللہ مصباح کی نگرانی اور جناب مولوی سالم خلیفہ ندوی کی صدارت میں منعقدہ عہدیداران کا انتخاب بالاتفاق رائے سے ہوا۔
جملہ عہدیداران کے نام یہ ہیں:
صدر: امتیاز دمدا
نائب صدر (اول):مولوی سالم خلیفہ ندوی
نائب صدر(دوم) : اشفاق ایس ایم
جنرل سکریٹری: طیب علی اکبر
سکریٹری : داؤد خلیفہ
خزانچی: طلحہ اکرمی
انٹرنل آوڈیٹر: نور الامین دامودی
اس موقع پر تمام عہدیداران نے اپنے اپنے خیالات کا اظہار کرتے ہوئے جماعت کی سرگرمیوں کو تمام اراکین کے تعاون سے آگے بڑھانے اور عوام کے لئے ہرممکن تعاون فراہم کرنے کا اعادہ کیا۔
جماعت کے سابق صدر جناب ارشد ایس ایم نے اس موقع پر جماعت کی مختلف سرگرمیوں کے تعلق سے تمام اراکین کو معلومات فراہم کیں۔ انہوں نے جماعت کی ذیلی کمیٹیوں میڈیکل کمیٹی، ہوسٹل کمیٹی، شعبہ تبلیغ اور تعلیمی کمیٹی وغیرہ کے تعلق سے بھی معلومات فراہم کرتے ہوئے زور دیا کہ آئندہ جماعت کے اراکین کو مزید فعال ہوکر کام کو آگے بڑھانا ہے ۔ انہوں نے کہا کہ بھٹکل کے اکثر افراد علاج معالجہ کے لئے مینگلور کا رُخ کرتے ہیں، اگر جماعت کے ذمہ داران سے رابطہ کرکے اور صلاح و مشورہ کے ساتھ ڈاکٹروں سے رابطہ کریں یا اسپتالوں میں داخل ہونے سے قبل جماعت کے ذمہ داران سے مشورہ کرکے آگے بڑھیں تو جماعت کی طرف سے ہرممکن تعاون فراہم کیا جاسکتا ہے۔
انتخابات کے بعد منعقدہ پہلی میٹنگ میں عہدیداران کے ساتھ ساتھ اراکین انتظامیہ فہد شابندری، محمد حُسین کھروری، آفتاب حُسین کولا، عبدالعظیم دامدابو، غفران ڈی ایف، ایس ایم سعود، اشرف سعدا اور ڈاکٹرآفتاب دامدا بھی موجود تھے۔