ہوناور: جرم کی فہرست میں صرف مسلمانوں کےہی نام نظر آتےہیں : رکن اسمبلی دنیکر شٹی کا متنازعہ بیان
ہوناور :6؍مارچ (ایس اؤ نیوز )تعلقہ کے کڈلے دیہات کے اُپلے میں واقع مہا لنگیشور مندرکے صحن میں رکن پارلیمان اننت کمارہیگڈے کی موجودگی میں منعقدہ بی جےپی کی میٹنگ میں رکن اسمبلی دنیکر شٹی نے ہندوتوا پر بھاشن دیتے ہوئے ایم پی کو لبھانے کی کوشش میں کچھ کا کچھ بول دئیے پھر میڈیاوالوں سےکہاکہ وہ اپنی اِس بات کو اخبارات میں شائع نہ کریں۔
میڈیا رپورٹ کے مطابق بی جےپی کی میٹنگ میں بات کرتےہوئے رکن اسمبلی دنیکر شٹی نے اپنے بھاشن میں ایم پی کی تعریف و ستائش کرتےہوئےکہاکہ میں دیکھ رہاہوں کہ جب سے ریاست میں کانگریس کی حکومت بنی ہے وزیر اعلیٰ سدرامیا کسی کو خاطر میں نہیں لاتے، مگر ان کے خلاف ریاست میں بولنےو الا کوئی نہیں ہے۔ صرف اننت کمارہیگڈے ہی سینہ تان کر سدرامیا کے خلاف بیان دیتےہیں۔ اپنی بات جاری رکھتےہوئے کہا کہ ’’مجرمانہ معاملات میں مسلمان ہی ہوتے ہیں ، اسمگلر، لوٹ ماراور ڈکیتی کرنےوالے اور قتل کرنےو الوں کےنام دیکھیں تو وہاں صرف مسلمانوں کے نام ہی نظر آتےہیں‘‘ اس طرح کی بات کرنے کے دوران جب ان کی میڈیا والوں پر پڑی تو گھبرا کر میڈیاوالوں سے کہاکہ میرے اس بیان کو اخبارات میں شائع نہ کریں۔
ان کے بعد ایم پی اننت کمار ہیگڈے نے اپنے خطاب میں کہاکہ’’ ہمارے سیاست دان کانگریس کی اقلیت نوازی کا بہتر علم ہونے کے باوجود بات نہیں کرتے ، بات کرتے بھی ہیں تو ڈرتے ،ڈرتے کرتےہیں‘‘۔ دینکر شٹی کا نام لئے بغیر ہیگڈے نے وہیں پر ان کی حیثیت بتا دی ۔ بی جےپی کے نائب صدر چندرو ایسلے، کے ڈی سی سی بینک ڈائرکٹر شیوانند ہیگڈے ، دیپک نائک منکی، راجیش بھنڈاری ، جی جی شنکر، جی جی ہیگڈے، ایم جی بھٹ، کرشنانند بھٹ، شری کلا شاستری ، گنپتی گوڈا، یوگیش میستا، منڈل نائب صدر اشونی نائک ، رجنی نائک، ایم ایس ہیگڈے، سریش شٹی سمیت کارکنان حاضر تھے۔