کاروار: دومرحلوں میں گرام پنچایت انتخابات کا انعقاد : مناسب انتظامات کے لئے الیکشن کمیشن کی ہدایات
کاروار:18؍نومبر(ایس اؤ نیوز)اگلے تین ہفتوں میں گرام پنچایت انتخابات کےاوقات کا اعلان کرنےکےلئے ہائی کورٹ نے الیکشن کمیشن کو حکم جاری کیا ہے،اسی کےتحت کووڈ-19کےچلتے پیشگی اقدامات کے طورپر سبھی اضلاع میں دومرحلوں میں انتخابات کے انعقاد کےلئے مناسب انتظامات کرنے ریاستی الیکشن کمشنر ڈاکٹر بی ، بسوراجو نےہدایات جاری کی ہیں۔
الیکشن کمشنر بسوراجو نے ریاست کے سبھی ڈپٹی کمشنر ، پولس سپرنٹنڈنٹ اور ضلع پنچایت چیف ایگزیکیٹیو آفیسر کے ساتھ وڈیو کانفرسنگ کرتےہوئے تیاریوں کے سلسلے میں بات چیت کی۔ کووڈ کے حالات میں عوام کا زیادہ جمگھٹا نہ ہو، عملےکی قلت نہ ہو، اس کے علاوہ دیگر مسائل و معاملات کو سامنے رکھتےہوئےمنصوبہ بنائیں اور دو مرحلوں میں انتخابات منعقد کرنے کی ہدایات دیں۔ انہوں نےکہاکہ کرونا کے دوران انتخابات کا انعقاد ایک چیلنج ہے۔ وہیں یہ بھی یاد رکھیں کہ گرام پنچایت کے انتخابات جمہوریت کی بنیاد ہے۔ اس بنا پرہر معاملےپرزیادہ سنجیدگی کےساتھ توجہ دیں ، بغیرکسی خامی کمی کے شفاف انتخابات کے انعقاد کی ذمہ داری ادا کرنےکی بات کہی۔
اپنی میعاد پوری کئے گئے گرام پنچایتوں کےاگلے تین ہفتوں میں انتخابات کے انعقاد کو لےکر تواریخ کا اعلان کرنے گزشتہ جمعہ کو ہائی کورٹ نے الیکشن کمیشن کو حکم دیا تھا۔ اسی کےتحت الیکشن کمشنر نے گرام پنچایت انتخابات کی تیاری کو لےکر ضلعی افسران کےساتھ وڈیو کانفرنسنگ کےذریعےالیکشن کی تیاریوں میں جٹ گئی ہے۔