سرسی28/جنوری (ایس او نیوز) یہاں بنواسی کے قریب  سورب روڈ پر  ایک لاری اور بائک کے درمیان ہوئے تصادم میں  گُڈناپور گرام پنچایت صدر سمیت دولوگوں کو موقع پر ہی موت واقع ہوگئی، یہ لوگ بائک پر سوار سورب روڈ سے ہوتے ہوئے  بنواسی کے گُڈناپور جارہے تھے۔ 

بائک گرام پنچایت صدر انّاجی عرف میور گوڈا (40) چلارہے تھے جبکہ پچھلی سیٹ پر ان کے ایک ساتھی ملیّش وردا (60) سوار تھے، حادثے دونوں کی موقع پر ہی موت واقع ہوگئی۔

حادثے کے فوری بعد جائے وقوع پر کثیر تعداد میں لوگ جمع ہوگئے اور پولس کو واقعے کی جانکاری دی۔

بنواسی پولس تھانہ کے پی ایس آئی سیتارام نے معاملہ درج کرتے ہوئے چھان بین شروع کردی ہے۔