منگلورو سمندر میں چٹان سے کشتی ٹکرانے سے ماہی گیر ہلاک
منگلورو 13 / جنوری (ایس او نیوز) گہرے سمندر میں مچھلی کا شکار کرنے کے دوران رسی ٹوٹنے کی وجہ سے کشتی چٹان سے ٹکراگئی جس کے نتیجے میں ایک ماہی گیر کی موت واقع ہوئی ۔
مہلوک ماہی گیر کا نام مائیکل بتایا گیا ہے جو کہ موگویرا پٹنا کا رہنے والا تھا ۔ معلوم ہوا ہے کہ دیگر ماہی گیروں کے ساتھ مائیکل دیسی کشتی پر سمندر میں مچھلی کے شکار پر نکلا تھا ۔ اس دوران اچانک اٹھنے والی تیز ہواوں کی وجہ سے کشتی کی رسی ٹوٹ گئی اور وہ بڑی تیزی سے قریبی چٹان سے جا ٹکرائی ۔ اس کے نتیجے میں مائیکل کے سر پر گہر چوٹ آئی اور ساتھی ماہی گیروں کی طرف سے اس کو بچانے کی کوشش کے باوجود اس نے دم توڑ دیا ۔ دوسری کشتی کے مچھیروں کی مدد سے مائیکل کی لاش کنارے تک لائی گئی ۔
اُلال پولیس اسٹیشن میں اس تعلق سے کیس درج کیا گیا ہے ۔
