بھٹکل:13/ مارچ (ایس اؤنیوز)گذشتہ تین سالوں سے بھٹکل تعلقہ میں بلاک ایجوکیشن آفیسر (بی ای اؤ) کے طورپر خدمات انجام دینے والے وینکٹیش پٹگار کا سرسی تبادلہ ہونےپر تعلقہ پرائمری اساتذہ سنگھ، صدور مدرس سنگھ ، ہائی اسکول اساتذہ سنگھ اور فزیکل اساتذہ سنگھ کی طرف سے مشترکہ طورپر نیو انگلش ہائی اسکول میں الوداعی جلسہ منعقد کرتے ہوئے ان کی تہنیت کی گئی ۔
وداعی جلسہ میں بات کرتے ہوئے وینکٹیش پٹگار نے کہاکہ اساتذہ کا معاشرے میں اہم رول ہوتاہے انہیں چاہئے کہ وہ اپنے مقام کی حیثیت کو باقی رکھتے ہوئے تدریسی خدمات انجام دیں۔ انہوں نے اس موقع پر کہاکہ غلطیاں سب سے ہوتی ہیں ہمیں ان غلطیوں کو دور کرتے ہوئے سدھار کرنے کی ضرورت ہے۔
بھٹکل کے نئے بی ای اؤ ۔ایم آر مونجی کا استقبال کیا گیا ۔ پرائمری اسکول اساتذہ سنگھ کے صدر شنکر نائک نے پروگرام کی صدارت کی۔ وسائل افسر یلما مری سوامی ،ہائی اسکول سنگھ کے صدر سندیش ہرلی کاشی ، تنظیمی سکریٹری ایم آرمانوی ، چدانند پٹگار، گنپی بھٹ، ایم ڈی رفیق ، امیش نے بھی موقع کی مناسبت سے اپنے تاثرات کا اظہار کیا۔ پرائمری سنگھ کے جنرل سکریٹری گوپال نائک نے افتتاحی کلمات پیش کرتے ہوئے استقبال کیا۔ گیتا شرورنے شکریہ اداکیا۔ منجولا شیرورکر اور پرتیبھا کرکیکر نے نظامت کی۔ ڈائس پر نیو انگلش ہائی اسکول کے صدر مدرس ایم کے نائک، شری دھر موگیر، کے بی مڈیوال ، روی کرن چوکی مٹھ ، پی ٹی چوہان، شبیر دفعدار وغیرہ موجود تھے۔