جمعہ کے دن صرف شاہراہیں بندکرکے احتجاج کریں گے:چندرشیکھر
بنگلورو،23؍ستمبر(ایس او نیوز) ریاستی رعیت سنگھااورہسیروسیناکے ریاستی صدرکوڈی ہلی چندرشیکھرنے کہا کہ 25؍ستمبرکوکرناٹک بندنہیں ہوگا،اس کے بجائے صرف شاہراہوں کو بندکرکے احتجاج کیاجائے گا۔
مرکزی اورریاستی حکومتوں کے کسان مخالف ترمیمی قانون کی مخالفت میں تمام کسان برادری سیخ پاہوگئی ہے۔جس پرآل انڈیاکسان کمیٹی نے بھارت بندکی کال دی ہے۔
اس تناظرمیں یہ کہاجارہا تھاکہ کرناٹک میں بندمنایاجائے گا لیکن چندرشیکھرنے وضاحت کرتے ہوئے کہا کہ ہم صرف ہائی وے بندکرکے اپنے غم وغصہ کااظہارکریں گے،کرناٹک بندکی تائیدنہیں کریں گے۔