یورپی ممالک کا لیبیا میں متحارب فریقین پر جنگ بندی پر زور

Source: S.O. News Service | By INS India | Published on 10th June 2020, 8:58 PM | عالمی خبریں |

 لندن،10/جون (آئی این ایس انڈیا) یورپی یونین، فرانس، جرمنی اور اٹلی نے منگل کو ایک مشترکہ بیان میں لیبیا میں جاری لڑائی روکنے اور تمام متحارب فریقین پر جنگ بندی کی ضرورت پر زور دیا ہے۔یورپی یونین کے اعلی نمائندے اور فرانس، جرمنی اور اٹلی کے وزرائے خارجہ نے لیبیا میں جاری لڑائی کے سلسلے میں فریقین پر فوری طور پر جنگ روکنے پر زور دیا۔

فرانسیسی وزارت خارجہ نے ایک بیان میں کہا ہے کہ یورپی یونین، فرانس، اٹلی اور جرمنی نے بین الاقوامی برادری سے مطالبہ کیا لیبیا میں جنگ بندی کے حوالے سے ہونے والی کوششوں کوآگے بڑھانے میں متحارب فریقین کی مدد کی جائے۔ اس کے ساتھ ساتھ تمام فوجی کارروائیوں کو مؤثر اور فوری طور پر روکنے اور مذاکرات میں تعمیری طور پر شمولیت کا مطالبہ کیا ہے۔ یورپی یونین نے لیبیا میں ترکی کی بے جا فوجی مداخلت کی شدید مذمت کرتے ہوئے خبردار کیا گیا کہ لیبیا میں غیرملکی مداخلت سے تنازع مزید گھمبیر شکل اختیار کرگیا ہے۔ ذرائع نے العربیہ کو لیبیا میں ترکی اور روسی مفاہمت کے بارے میں یورپ کو تشویش ہے۔ اس سے یہ ظاہر ہوتا ہے کہ یہ مفاہمت یورپی استحکام کے مفادات کو پورا نہیں کرتی ہیں۔ ادھر ترک صدر رجب طیب  نے کل منگل کے روز ایک بیان میں کہا کہ ان کا ملک لیبیا میں قومی وفاق حکومت کی فوجی مدد جاری رکھے گا۔ انہوں نے مصر کی طرف سے لیبیا میں جنگ بندی کی کوششوں کو مسترد کردیا۔

ایک نظر اس پر بھی

کرونا وائرس برطانوی معیشت کا پانچواں حصہ چٹ کر گیا

رواں سال کی دوسری سہ ماہی کے دوران برطانوی معیشت میں ریکارڈ گراوٹ نوٹ کی گئی ہے۔ کورونا وائرس کی وجہ سے کاروبار کو شدید نقصان ہوا ہے، جس کی وجہ سے ملک کو ریکارڈ کساد بازاری کا سامنا ہے۔برطانیہ کے قومی شماریاتی ادارے کی طرف سے بدھ کو جاری کیے گئے تازہ اعدادوشمار کے مطابق اپریل ...

فرانس کا ایران سے لبنان میں غیرملکی مداخلت بند کرنے کا مطالبہ

لبنانی دارالحکومت بیروت میں گذشتہ ہفتے ہونے والے قیامت خیز دھماکوں کے بعد فرانسیسی صدرعمانوئل میکروں نے بدھ کے روز اپنے ایرانی ہم منصب حسن روحانی سے ٹیلیفون پر بات چیت کی۔ انہوں‌ نے ایرانی صدر پر لبنان میں غیرملکی مداخلت بند کرنے پر اور دیا اور ساتھ ہی خبردار کیا کہ بیروت میں ...

لبنان کے مرکزی بنک کے گورنر 10 کروڑ ڈالر اثاثوں کے مالک

ایک میڈیا گروپ نے اپنی رپورٹ میں انکشاف کیا ہے کہ لبنان کے سنٹرل بینک کے گورنر کی ملکیت والی غیر ملکی کمپنیاں تقریبا10 کروڑ ڈالر کے اثاثوں کی مالک ہیں۔ یہ انکشاف ایک ایسے وقت میں سامنے آیا ہے جب لبنان کی معاشی بحران میں مرکزی بنک کے گورنر کو بھی ذمہ دار ٹھہرایا جا رہا ہے اور ان کے ...

مشرق وسطیٰ میں کسی بھی اشتعال انگیزی کا بھرپور جواب دیں گے: یونان

ترکی کی جانب سے بحیرہ روم میں تیل اور گیس کے وسائل کی تلاش کے لیے سمندری مشن بھیجے جانے کے بعد یونان اور ترکی کے درمیان کشیدگی میں اضافہ ہوا ہے۔ اسی تناظر میں یونان نے خبردار کیا ہے کہ مشرق وسطیٰ میں کسی بھی اشتعال انگیزی کا بھرپور جواب دیا جائے گا۔ ...

دیر الزور میں ٹارگٹ کلنگ پر قبائلی تشویش، ترکی، شامی فوج اور داعش پر الزام

شامی ڈیموکریٹک فورسز کے کنٹرول میں آنے والے علاقوں میں خاص طور پر ان علاقوں جنہیں عرب قبائل کی جانب سے نشانہ بنایا ہے میں قتل کے واقعات میں نمایاں اضافہ ہوا ہے۔ ان واقعات کے نتیجے میں 'داعش' کے خلاف امریکا کی قیادت میں قائم عالمی اتحاد اور قبائل کے درمیان تعلقات پر منفی اثرات پڑ ...