بھٹکل:04؍فروری (ایس او نیوز)تعلقہ کے مٹھلی گرام پنچایت حدود میں محکمہ پولس کی جانب سے معمر بزرگ شہریوں کے تحفظ کو لے کر ایک میٹنگ کا انعقاد کیاگیا۔

بھٹکل شہری پولس تھانہ پی ایس آئی کوسومادھر کے نے اس موقع پر خطاب کرتے ہوئے کہاکہ مٹھلی علاقے میں اگر کوئی بوڑھے حضرات تنہا ہیں یا ان کی اولاد ہوتے ہوئے بھی ان کی نگرانی نہیں کررہی ہے تو ان حالات میں پولس کا تعاون لیں۔ پاس پڑوس والوں سے کوئی مسئلہ درپیش ہوتو اطلاع دیں۔ ہر مہینہ پولس محکمہ میٹنگ منعقد کرتے ہوئے معمر بزرگوں سے رابطہ کرنے کی کوشش کررہی ہے اور کہا کہ بوڑھے لوگوں کو خوف کھانے کی ضرورت نہیں ہے۔

میٹنگ میں ایک بوڑھے حضرت نے اپنے بیٹے کے متعلق دکھڑا سناتے ہوئے کہاکہ ہوٹل  روزگار تلاش کرتے ہوئے بنگلورو گیا میر بیٹا لاپتہ ہوگیا ہے۔ اور ایک بزرگ نے اپنا مسئلہ پیش کرتے ہوئے کہاکہ میں زمین خریدی ہے، رجسٹریشن کے لئے ایک شخص ہراساں کررہاہے، گھر کو بجلی کنکشن کے لئے دقت پیش آنے کی بات کہی۔ مٹھلی پنچایت ترقی جات افسر راجیشوری چنداور، سکریٹری منجوناتھ چکن منے ، منجوناتھ نائک، ایرنا پجاری ، سدھو کامبلے ، یشونت نائک وغیرہ موجود تھے۔