ای اسٹامپ پیپر اب آن لائن دستیاب ہوگا

Source: S.O. News Service | By Shahid Mukhtesar | Published on 15th October 2018, 11:57 PM | ریاستی خبریں | ان خبروں کو پڑھنا مت بھولئے |

بنگلورو،15؍اکتوبر(ایس او نیوز) کسی طرح کے دستاویزات تیار کرنے کے لئے درکار ای اسٹامپ کاغذ کی دستیابی اب تک ایک بہت بڑا مسئلہ ہوا کرتی تھی، 100 روپے کے اسٹامپ پیپر کے لئے بھی بھاری رقم ادا کرکے اسے حاصل کرنا پڑتا تھا،اس ای اسٹامپ پیپر کی فراہمی میں مبینہ دھاندلیوں کو ختم کرنے کے مقصد سے ریاستی محکمۂ اسٹامپ ورجسٹریشن نے کاویری آن لائن خدمات نامی ایک سافٹ ویر تین چار ماہ قبل ہی تیار کرلیاتھا، سیاسی وجوہات کے سبب اس پر عمل درآمد نہیں ہوپایا، لیکن کل سے یہ خدمات عوام کے لئے دستیاب رہیں گے۔

محکمۂ اسٹامپ اور رجسٹریشن میں جتنی بھی خدمات دستیاب ہیں وہ تمام اس سافٹ ویر اور موبائل اپلیکیشن کے ذریعے ہمہ وقت عوام کو دستیاب رہیں گے۔ روز مرہ کے لئے ضرورت سمجھے جانے والے ای اسٹامپ پیپر کی فراہمی میں حائل تمام رکاوٹیں اس موبائل ایپ اور سافٹ ویر کے ذریعے ختم ہوجائیں گی۔اس موبائل ایپ کے ذریعے نہ صرف اسٹامپ پیپر کی خریداری بلکہ جی آئی ایس کی بنیاد پر میاپنگ بھی کی جاسکتی ہے۔ مکان کے دستاویزات کی تیاری ہو یا لیز کے دستاویزات کی تیاری ، حلف نامہ، تصدیق نامہ سمیت 50 سے زائد قسم کے دستاویزات کی تیاری کے لئے اب اسٹامپ پیپر مقرر ہ فیس کی آن لائن ادا ئیگی کے ساتھ کسی بھی کمپیوٹر سے پرنٹ آؤٹ کی شکل میں ڈاؤن لوڈ کیاجاسکتا ہے ۔ ای اسٹامپ پیپر کے عوض افزود رقم جمع کرنے کی کوئی ضرورت نہیں پڑے گی۔ اس سہولت کے ذریعے خاص طور پر کسانوں کو اپنے قرضوں کے متعلق حلف نامے دائر کرنے میں ترجیحی بنیاد پر سہولت فراہم کی جائے گی۔

اس کے علاوہ غیر منقولہ اثاثوں کے دستاویزات ان کی ملکیت کے متعلق تصدیق نامے وغیرہ کے لئے بھی اسٹامپ پیپر آن لائن ڈاؤنڈ لوڈ کیاجاسکتاہے۔ غیر منقولہ اثاثوں کی خرید وفروخت کے لئے درکار اسٹامپ ڈیوٹی کا حساب کتاب اس سافٹ ویر کے ذریعے آن لائن مہیا کرایا گیا ہے۔اس حساب سے مطلوبہ اسٹامپ ڈیوٹی کی ادائیگی کے بعد عوام اپنے اثاثوں کے دستاویزات تیار کرکے از خود سب رجسٹرار کے سامنے پیش کرسکتے ہیں۔ یہاں تک کہ محکمۂ اسٹامپ اینڈ رجسٹریشن نے یہ بھی انتظام کیا ہے کہ جائیداد کے اندراج کے لئے کسی وکیل کی سہولت لئے بغیر ڈاؤن لوڈ کئے گئے ای اسٹامپ پیپر کے ذریعے تیار شدہ دستاویزات وہ سب رجسٹرار کو راست طور پر میل کرسکتے ہیں اور اسی میل کی بنیاد پر سب رجسٹرار بھی دستاویزات کا رجسٹریشن آن لائن کرسکیں گے۔ ضروری نہیں کہ جائیداد کے رجسٹریشن کے لئے فریقین سب رجسٹرار کے سامنے حاضر ہوں۔ یہ بھی بتایا گیا ہے کہ اثاثوں کے قیمت کے تعین کے سلسلے میں ریاستی حکومت کا جو ضابطہ ہے اسی کی بنیاد پر اثاثوں کے رجسٹریشن کے لئے درکار اسٹامپ ڈیوٹی کی تمام تفصیلات اس سافٹ ویر اور موبائل ایپ کا حصہ رہیں گی اور رجسٹر کروانے والے فریقین اپنی پسند کے حساب سے جائیداد کی رقبے کی بنیاد پر اسٹامپ ڈیوٹی کا تعین آسانی سے کرسکتے ہیں۔

ایک نظر اس پر بھی

مسلمانوں کے خلاف اشتعال انگیز بیانات دینے والوں کی بھاری اکثریت کے ساتھ جیت

مسلمانوں کے خلاف ہمیشہ اشتعال انگیز بیانات دینے والوں کو اس مرتبہ لوک سبھا انتخابات میں بھاری اکثریت کے ساتھ کامیابی حاصل ہوئی ہے۔ اترکنڑا لوک سبھا حلقے کے بی جے پی اُمیدوار اننت کمار ہیگڈے جنہوں نے کہا تھا کہ جب تک اسلام رہے گا دہشت گردی رہے گی،اسی طرح انہوں نے  دستور کی ...

سدانندگوڈا، پربلاد جوشی، سریش انگڑی، شیوکمار اداسی مرکزی وزارت کی دوڑ میں ایڈی یورپا، شوبھا کے حق میں، نرملا سیتارامن کونیااہم قلمدان ملنے کی توقع

مرکزی وزیر برائے اسٹاٹسٹکس اور پروگرام اپلی منٹیشن، ڈی وی سدانندگوڈا،ہبلی- دھارواڈ لوک سبھا رکن پربلاد جوشی،بلگام سے رکن پارلیمان سریش انگڑی اور ہاویری رکن پارلیمان شیوکمار اداسی اب کرناٹک سے مرکزی وزارت کے لئے دوڑ میں سب سے آگے ہیں -

ایچ کے پاٹل نے راہل گاندھی کو بھیجا استعفیٰ

ریاست میں کانگریس کے تشہیری مہم کمیٹی کے صدر ایچ کے پاٹل نے لوک سبھا انتخابات میں ریاست میں پارٹی کی شکست کی اخلاقی ذمہ داری لیتے ہوئے اپنے عہدے سے استعفی دینے کی پیشکش کی ہے۔

کرناٹک میں جے ڈی ایس مخلوط حکومت کو مستحکم رکھنے کانگریس خواہاں؛ تمام وزراء نے کیا کمارسوامی کی قیادت پر اظہار اعتماد

لوک سبھا انتخابات میں کانگریس جے ڈی ایس اتحاد کی بدترین ناکامی کا آج وزیراعلیٰ ایچ ڈی کمار سوامی کی طرف سے طلب کی گئی غیر رسمی کابینہ میٹنگ میں جائزہ لیاگیا، اور طے کیاگیا کہ اس شکست سے مایوس ہوکر بیٹھنے کی بجائے آنے والے دنوں میں مخلوط حکومت کو اور متحرک اور مستحکم کرنے کے ...

مسلمانوں کے خلاف اشتعال انگیز بیانات دینے والوں کی بھاری اکثریت کے ساتھ جیت

مسلمانوں کے خلاف ہمیشہ اشتعال انگیز بیانات دینے والوں کو اس مرتبہ لوک سبھا انتخابات میں بھاری اکثریت کے ساتھ کامیابی حاصل ہوئی ہے۔ اترکنڑا لوک سبھا حلقے کے بی جے پی اُمیدوار اننت کمار ہیگڈے جنہوں نے کہا تھا کہ جب تک اسلام رہے گا دہشت گردی رہے گی،اسی طرح انہوں نے  دستور کی ...

ایچ کے پاٹل نے راہل گاندھی کو بھیجا استعفیٰ

ریاست میں کانگریس کے تشہیری مہم کمیٹی کے صدر ایچ کے پاٹل نے لوک سبھا انتخابات میں ریاست میں پارٹی کی شکست کی اخلاقی ذمہ داری لیتے ہوئے اپنے عہدے سے استعفی دینے کی پیشکش کی ہے۔