آبدوز تنازع: فرانس کا امریکہ اور آسٹریلیا پر جھوٹ بولنے، دوغلے پن کا الزام

Source: S.O. News Service | Published on 20th September 2021, 11:59 AM | عالمی خبریں |

پیرس،20؍ستمبر (ایس او نیوز؍ایجنسی ) فرانس نے امریکہ اور آسٹریلیا پر نئے سکیورٹی معاہدے کے حوالے سے پیدا ہوانے والے بحران میں جھوٹ بولنے کا الزام لگایا ہے۔برطانیہ، امریکہ اور اورآسٹریلیا کے درمیان طے پانے والے نئے سکیورٹی معاہدے کے تحت امریکہ اور برطانیہ آسٹریلیا کو جوہری ایندھن سے لیس آبدوزیں بنانے اور تعینات کرنے کی صلاحیت کی ٹیکنالوجی فراہم کریں گے۔اس معاہدے کی وجہ سے آسٹریلیا کی جانب سے فرانس کے ساتھ کیا گیا آبدوزوں کی خریداری کا اربوں ڈالرز کا معاہدہ کھٹائی میں پڑ گیا ہے۔خبر رساں ادارے اے ایف پی کے مطابق فرانس کے وزیر خارجہ نے کہا اس بحران کے دوران جھوٹ بولا گیا، دوغلے پن کا مظاہرہ، اعتماد کو ٹھیس اور توہین کی گئی۔ان کا کہنا تھا کہ ایک سنگین بحران ابھی جاری ہے۔

خیال رہے مذکورہ معاہدے پر فرانس نے احتجاجاً امریکہ اور آسٹریلیا سے اپنے سفیروں کو واپس بلایا ہے۔فرانسیسی وزیرخارجہ کی فرانس 24 ٹیلی ویڑن سے گفتگو سے اندازہ ہورہا ہے کہ فرانس اس وقت کسی بھی طرح اس بحران کی شدت کو کم کرنے کے لیے تیار نہیں۔انٹرویو کے دوران وزیرخارجہ نے امریکہ، برطانیہ اور آسٹریلیا کے خلاف غیر سفارتی زبان استعمال کی۔انہوں نے امریکہ اور آسٹریلیا سے سفیروں کو وپس بلانے کے غیرمعمولی فیصلے کو بہت ہی علامتی عمل قرار دیا اور کہا کہ یہ صرف یہ ظاہر کرنے کے لیے کیا گیا کہ ہم کتنے ناراض ہیں۔خیال رہے فرانس نے دوطرفہ تعلقات کی تاریخ میں پہلی مرتبہ ان ممالک سے اپنے سفیروں کو واپس بلایا ہے۔ جب فرانسیسی وزیر خارجہ سے پوچھا گیا کہ فرانس نے برطانیہ سے اپنا سفیر کیوں واپس نہیں بلایا جب کہ برطانیہ بھی مذکورہ معاہے کا حصہ ہے تو انہوں نے انتہائی سخت جواب دیا۔ہم نے واشنگٹن اور کینبرا سے سفیر حالات کا جائزہ لینے کے لیے واپس بلایا ہے۔۔ برطانیہ سے واپس بلانے کی ضرورت نہیں کیونکہ ہم ان کے ’مستقل مفاد پرستی‘ کو جانتے ہیں۔ اس پورے ایشو میں برطانیہ کی حیثیت ایک طرح سے تیسرے پہیے کی ہے۔

ایک نظر اس پر بھی

اقوام متحدہ جنرل اسمبلی سے وزیراعظم مودی کا خطاب، دہشت گردی پوری انسانیت کیلئے خطرہ

وزیر اعظم مودی نے اقوام متحدہ جنرل اسمبلی سے خطاب کرتے ہوئے پاکستان اور چین کا نام لئے بغیر جم کر نشانہ سادھا۔ وزیر اعظم نے پاکستان کا نام لئے بغیر کہا کہ جو ملک دہشت گردی کو سیاسی آلے کے طور پر استعمال کررہے ہیں، انہیں یہ سمجھنا ہوگا کہ دہشت گردی ان کیلئے بھی اتنا ہی بڑا خطرہ ...

صنعتی ممالک پر ماحولیاتی تحفظ کی زیادہ ذمہ داری عائد ہوتی ہے: گوٹیرش

اقوام متحدہ کے سیکرٹری جنرل انتونیو گوٹیرش نے ایک مرتبہ پھر عالمی برادری پر زور دیا ہے کہ وہ ماحول کو بچانے کے لیے اپنا کردار ادا کریں۔ نیو یارک میں سربراہان حکومت اور مملکت کے ساتھ ملاقات کے دوران گوٹیرش نے کہا کہ کرہ ارض کے خلاف جنگ‘ ختم ہونی چاہیے اور ماحولیاتی تبدیلیوں کے ...

امریکہ نومبر سے غیر ملکی مسافروں کے لیے پابندیاں نرم کر رہا ہے

امریکہ نے پیر کے روز کہا ہے کہ نومبر کے اوائل سے ملک میں آنے والے غیر ملکی مسافروں کے لیے وہ اپنی کرونا وائرس کی پابندیوں میں نرمی کر دے گا۔18 ماہ قبل کرونا وائرس کی وبا کے آغاز کے بعد امریکہ نے بیرونی ملکوں سے آنے والے مسافروں پر بڑی حد تک پابندی لگا دی تھی۔