اترکنڑا ضلع میڈیکل آفیسر کا منڈگوڈ کے تبت کیمپ کا دورہ : کرونا وائر س کے متعلق بیداری پیدا کرنے کی ہدایات
منڈگوڈ :10؍فروری(ایس اؤ نیوز)تعلقہ کی تبت کیمپ میں کرونا وائرس کے متعلق بیداری پیدا کرنے کےلئے اترکنڑا ضلع میڈیکل آفیسر ڈاکٹر جی این اشوک کمار نے کیمپ کا دورہ کرتےہوئے مختلف اسپتالوں کا جائزہ لیا۔
ڈی ٹی آر اسپتال ، لوپسلنگ اسپتال ، گجانگ میڈیکل سوسائٹی سمیت کئی اسپتالوں کا دورہ کرتےہوئے وہاں کے میڈیکل آفیسروں اور ذمہ داروں سے بات چیت کرتے ہوئے حالات کا جائزہ لیا۔ اور کرونا وائرس کے متعلق عوام میں بیداری پیدا کرنے کی ہدایات دیں۔ اسی طرح انہوں نے بودھ مٹھوں کے بکشوں سے اپیل کرتے ہوئے کہاکہ وہ اپنی طرف سے عوام میں کرونا وائرس کے متعلق بیداری پیدا کریں۔ اس موقع پر انہوں نے پیشگی اقدامات کے طورپر غیر ضروری سفر و سیاحت نہ کرنے کی بات کہی۔ مقامی میڈیکل آفیسروں نے ضلع میڈیکل افسر کو جاناکاری دی کہ ابھی تک کوئی بیرونی ملک سے یہاں نہیں آئے ہیں۔ اس موقع پر تعلقہ میڈیکل آفیسر ڈاکٹر ایچ ایف انگل ، تعلیمی میڈیکل افسر شری شئیل پٹن شٹی ، معاون این ایچ ہیرے مٹھ وغیرہ ضلع میڈیکل آفیسر اشوک کمار کے ساتھ تھے۔