ماسکو، 28؍ مئی (ایس او نیوز؍ایجنسی) یوکرین سے جاری جنگ کے درمیان روسی صدر ولادیمیر پوتن نے کہا کہ روس کو الگ تھلگ کرنے کی کوشش کر رہے ممالک دراصل صرف اپنی معیشت کو نقصان پہنچا رہے ہیں۔ پوتن نے ساتھ ہی کہا کہ عالمی معیشت کی موجودہ حالت ظاہر کرتی ہے کہ روس بہتر حال میں ہے۔

 رپورٹ کے مطابق جمعرات کو فرسٹ یوریشین اکونومک فورم کے مکمل اجلاس کو خطاب کرتے ہوئے پوتن نے اپنی رائے پیش کی۔ انھوں نے کہا کہ روس کو الگ تھلگ کرنا ممکن ہوگا اور جو ایسا کرنے کی خواہش ظاہر کر رہے ہیں وہ خود کو سب سے زیادہ نقصان پہنچائیں گے۔

روسی صدر نے تذکرہ کیا کہ عالمی معیشت کی موجودہ حالت ظاہر کرتی ہے کہ روس کی حالت اس معاملے میں وقت کے مطابق ہے۔ انھوں نے کہا کہ خوشحال معیشیتیں 40 سالوں میں اپنی سب سے خراب شرح مہنگائی کے ساتھ ساتھ بڑھتی بے روزگاری کا سامنا کر رہی ہیں۔ پوتن نے ساتھ ہی کہا کہ یہ ایک سنگین ایشو ہے جو معاشی اور سیاسی رشتوں کے پورے نظام کو متاثر کر رہا ہے۔ انھوں نے کہا کہ ایسے کئی ممالک ہیں جو ایک آزادانہ پالیسی چاہتے ہیں۔ کوئی بھی ملک اس عالمی عمل کو روکنے میں اہل نہیں ہوگا۔ اس کے لیے ضروری طاقت نہیں ہوگی اور پھر ایسا کرنے کی خواہش ختم ہو جائے گی۔