پوری دنیا میں کورونا متاثرین کی تعداد 50 لاکھ کے قریب پہنچی

Source: S.O. News Service | Published on 20th May 2020, 2:56 PM | عالمی خبریں |

نیویارک،20؍مئی (ایس او نیوز؍ایجنسی) پورے عالم میں کورونا کا قہر مستقل جاری ہے اور یہ رکنے کا نام نہیں لےرہا ہے۔ تازہ اعداد و شمار کے مطابق اب پوری دنیا میں کورونا سے متاثر ہونے والوں کی تعداد 50 لاکھ کے قریب پہنچ گئی ہے اور اس وبا سے ہلاک ہونے والوں کی تعداد 3 لاکھ 24 ہزار سے تجاوز کر گئی ہے۔

امریکی صدر کورونا کے پھیلاؤ کے لئے چین کو چاہے کتنا ہی ذمہ دار ٹھہرا لیں لیکن حقیقت یہ ہے کہ کورونا نے امریکی طبی نظام کی خامیوں پر سوال کھڑے کر دئے ہیں۔ امریکہ میں کورونا سے ہلاک ہونے والوں کی تعداد ۹۳ ہزار سے زیادہ ہو گئی ہے اور وہاں متاثرین کی تعداد ساڑے 15 لاکھ سے تجاوز کر گئی ہے۔

روس میں کورونا متاثرین کی تعداد 2 لاکھ 99 ہزار سے زیادہ ہو گئی ہے اور اس وبا سے ہلاک ہونے والوں کی تعداد 2837 ہو گئی ہے۔

ادھر پرطانیہ میں کورونا متاثرین کی تعداد ڈھائی لاکھ کے قریب پہنچ گئی ہے اور وہاں کورونا سے ہلاک ہونے والوں کی تعداد 35 ہزار سے تجاوز کر گئی ہے۔ اٹلی میں کورونا متاثرین کی تعداد 2 لاکھ 26 ہزار سے زیادہ ہے جبکہ وہاں کورونا سے ہونے والی اموات کی تعداد 32 ہزار سے زیادہ ہے۔ فرانس میں کورونا سے ہونے والی اموات کی تعداد 28 ہزار سے زیادہ ہے جبکہ اسپین میں یہ تعداد 27 ہزار سے زیادہ ہے۔

سعودی عرب میں کورونا متاثرین کی تعداد 60 ہزار کے قریب پہنچ گئی ہے اور وہاں اموات کی تعداد 329 ہے۔ اسرائیل میں کورونا کی تعداد میں کوئی تیزی نہیں ہے اور وہاں کورونا متاثرین کی تعداد 16 ہزار سے تھوڑی زیادہ ہے اور اموات کی تعداد 278 ہے۔

ایک نظر اس پر بھی

امریکہ: ٹرمپ کی فوج تعیناتی کی دھمکی پر فسادات میں شدت، ایئرفورس بیس میں فائرنگ سے 2 اہلکار ہلاک

امریکی صدر ڈونلڈ ٹرمپ کی ملک میں فوج تعینات کرنے کی دھمکی پر امریکہ بھر میں فسادات میں مزید شدت آگئی۔ پوسٹمارٹم رپورٹ میں سیاہ فام جارج فلائیڈ کی موت کو قتل قراردیدیا گیا جبکہ ریاست ڈکوٹا میں ایئر فورس بیس میں فائرنگ کے نتیجہ میں 2 اہلکار ہلاک ہوگئے ۔

پوری دنیا میں کورونا کا قہر جاری، متاثرین کی تعداد 63 لاکھ سے تجاوز

پوری دنیا میں عالمی وبا کورونا وائرس کا قہر جاری ہے اور ہر روز متاثرین اور اس سے ہونے والی ہلاکتوں کی تعداد میں مستقل اضافہ ہو رہا ہے۔تازہ اعداد و شمار کے مطابق کورونا متاثرین کی تعداد 63لاکھ سے زیادہ ہوگئی ہے جبکہ اس وبا سے اب تک 3.73لاکھ سے زیادہ لوگوں کی موت ہوچکی ہے۔

عراق: فضائی حملے میں دو فوجی اور دو دہشت گردوں کی موت

عراق کے صوبہ نینوا اور دييالہ میں پیر کو ایک فضائی حملے اور ایک بم دھماکے میں دو فوجی ہلاک ہو گئے جبکہ دو دہشت گرد بھی مارے گئے۔ عراق کے جوائنٹ آپریشن کمانڈ کے میڈیا آفس نے ایک بیان میں بتایا کہ ایک حملہ میں دوعراقی فوجی ہلاک اور دو دیگر زخمی ہو گئے۔

انگلینڈ میں لاک ڈاؤن میں نرمی، 10 ہفتوں بعد کھلے اسکول

10 ہفتوں کے بعد برطانیہ کے انگلینڈ ریجن میں لاک ڈاؤن کے بعد اسکول کھول دیئے گئے، مگر نصف کے قریب والدین نے اپنے بچوں کو اسکول بھیجنے سے گریز کیا ہے۔ برطانوی حکومت نے گزشتہ روز لاک ڈاؤن میں نرمی کرنے کا اعلان کیا تھا جس میں اسکولوں کا کھولا جانا بھی شامل تھا، کچھ علاقوں میں ...