امریکہ میں کورونا کی تباہی جاری، اب تک 1.39 لاکھ افراد جاں بحق

Source: S.O. News Service | Published on 18th July 2020, 5:13 PM | عالمی خبریں |

واشنگٹن،18؍جولائی(ایس او نیوز؍ایجنسی) کورونا انفیکشن سے سنگین طور پر دوچار امریکہ میں اس وبا سے اب تک 1.39 لاکھ سے زیادہ افراد کی موت ہوچکی ہے ۔ امریکہ کی جان ہاپکنز یونیورسٹی کے سینٹر فار سائنس اینڈ انجینئرنگ (سی ایس ایس ای) کے جاری کردہ تازہ ترین اعدادوشمار کے مطابق امریکہ میں کورونا سے ہونے والی ہلاکتوں کی تعداد 1،39،128 ہوگئی ہے جبکہ متاثرہ افراد کی تعداد 36 لاکھ سے تجاوز کر کے 36،38،002 ہوگئی ہے۔

امریکہ میں 10 لاکھ 90 ہزار سے زیادہ افراد کورونا وائرس سے پوری طرح صحت یاب ہوئے ہیں۔ امریکہ کے نیو یارک اور نیو جرسی کورونا سے سب سے زیادہ متاثرریاستیں ہیں۔ صرف نیویارک میں ہی کورونا وائرس کے چار لاکھ سے زیادہ کیسز رپورٹ ہوئے ہیں۔ جبکہ 32 ہزار سے زیادہ افراد کی موت ہوچکی ہے۔ نیو جرسی میں اب تک کورونا وائرس کے ایک لاکھ سے زیادہ کیسز رپورٹ ہوئے ہیں جبکہ اس وبا سے 15،000 سے زیادہ افراد ہلاک ہوچکے ہیں۔ اس کے علاوہ میساچوسیٹس ، مشی گن ، الینوائے ، کیلیفورنیا اور پنسلوانیا جیسی ریاستوں میں بھی کوڈ ۔19 وائرس پھیل رہا ہے۔ کورونا سے ان تمام ریاستوں میں چھ ہزار سے زیادہ افراد ہلاک ہوچکے ہیں۔ کیلیفورنیا ، ٹیکساس اور فلوریڈا میں کورونا وائرس کے 30 لاکھ سے زیادہ کیسز رپورٹ ہوئے ہیں۔

ایک نظر اس پر بھی

لیبیا : فائز السراج اکتوبر کے اختتام تک اقتدار سے دست بردار ہونے کے لیے تیار

لیبیا میں وفاق حکومت کی صدارتی کونسل کے سربراہ فائز السراج نے اعلان کیا ہے کہ وہ آئندہ ماہ اکتوبر کے اختتام تک اقتدار سے دست بردار ہونے اور اپنی ذمے داریاں ایگزیکٹو اتھارٹی کے حوالے کرنے کی خواہش رکھتے ہیں۔ ...