کرنا ٹک پردیش کانگریس کمیٹی کے 40نائب صدر اور 109 جنرل سکریٹری مقر ر
بنگلورو، 10؍ اپریل ( ایس او نیوز ) کرنا ٹک پردیش کانگریس کمیٹی کے لئے نئے عہد یداروں کا تقرر کرتے ہوۓ آل انڈیا کانگریس کمیٹی کی طرف سے ایک طویل فہرست جاری کی گئی ہی جس میں 40 افراد کو پارٹی نے کے پی سی کی نائب صدور کے طور پر مقرر کیا ہے جبکہ 109 افراد کو جنرل سکریٹری کے طور پرنامزد کیا گیا ہے ۔
جن لوگوں کو نائب صدور مقرر کیا گیا ہے ان میں سابق وزراء بی ایل شنکر ،ایچ ایم ریونا ، شرن پرکاش پاٹل ، ابھے چندرا جین، چلورا یا سوامی ، رکن راجیہ سبھا سید نصیر حسین ، حسن صاحب دھوتی ہال، وی ایس اگر پا وغیرہ شامل ہیں ۔
پارٹی کے لئے مقرر ہوئے 109 جنرل سکریٹری مقرر کئے گئے ہیں ۔ پارٹی کی طرف سے جن لوگوں کو مقرر کیا گیا ہے ان میں 53 کا تعلق پسماندہ طبقات سے ہے ، 25 کا تعلق درج فہرست ذاتوں سے ہے،4 کا تعلق درج فہرست قبائل سے ہے۔ 23خواتین ہیں ، اقلیتی طبقات سے 22 افراد شامل ہیں ، 19 لنگایت شامل ہیں،5 ریڈی لنگایت ،16 وکلیگا ، ایک درمیانی جنس اور دیگر چار شامل ہیں ۔
جن کو جنرل سکریٹری کا عہدہ دیا گیا ہے ان میں آغا سلطان، جی اے باوا، عنایت علی ،ایم اے غفور، منصور علی خان ، مہروز خان ، پیاری جان ، رفیق احمد ، ایس اے حسین ، سعید احمد شیخ نظام الدین عرف نظام ، شا کرسندی اور سراج شیخ شامل ہیں ۔