بھٹکل: طلبا کے بہتر نتائج میں خود کی محنت اہم اور ضروری : سدھارتھ کالج میں مسابقاتی امتحانات کا تربیتی ورکشاپ
بھٹکل :17/ستمبر(ایس اؤ نیوز) تعلقہ کے شرالی سدھارتھ کالج میں زیر تعلیم ڈگری کالج کے طلبا کو مسابقاتی امتحانات کی تربیت دینے کےلئے ورکشاپ کا انعقاد کیاگیا جس کا کالج انتظامیہ کے ڈائرکٹر سگنیان بیندور نے افتتاح کیا۔
افتتاح کے بعد خطاب کرتے ہوئے انہوں نےکہاکہ طلبا توجہ دیں کہ ورکشاپ کے ذریعے ہم اپنے طلبا کو بینک، انشورنس، یوپی ایس سی جیسے دیگر مسابقاتی امتحانات کی تربیت دیں گے۔ اپنےکالج کے طلبا کی شخصی تعمیر اور ہمہ جہت ترقی کے مدنظر ایسے ورکشاپ کا انعقاد کیا جاتاہے۔ طلبا میں تعلیمی اور پیشہ ورانہ ترقی کےلئے ہم سرگرم ہیں، آئندہ برسوں میں شعبہ سائنس میں نئے کورسس کی شروعات کئے جانےکی جانکاری دی ۔ ماہر تربیت کمٹہ کے ماروتی نائک نے طلبا کے بہتر نتائج کے لئے خود کی محنت سب اہم اور ضروری ہونے کی بات کہی۔ اشونی پائی ، لاونیا موگیر نے پرارتھنا کی۔ تلک موگیر ، پرگتی ہیبار نے دیا سلائی کی کارروائی انجام دی۔ فزکس کے لکچرر شیوکمار شٹی نے نظامت کی۔