نئی دہلی،16/جنوری (آئی این ایس انڈیا) سردیوں کا موسم آدھا گزر چکا ہے، لیکن سردی کم ہونے کا نام نہیں لے رہی ہے۔ چھتیس گڑھ کے جیش پور میں درجہ حرات کم ہونے سے برف جم گئی۔ پنجاب میں تین روزہ کولڈ الرٹ جاری کردیا گیا ہے۔ یہاں کے متعدد شہروں میں دیکھنے کی صلاحیت 10 میٹر سے کم رہ گئی ہے۔

محکمہ موسمیات کے مطابق ابھی 45 دن کی سردی باقی ہے۔چھتیس گڑھ میں سردی نے واپسی کی ہے۔ جنگل اور پہاڑوں میں شبنم گرنا شروع ہوگئی ہے۔ جشپور میں،مونا پاٹ بلاسپورکے جنگلی علاقے اورچلفی وادی میں رات کا درجہ حرارت میں 3 ڈگری پر چلا گیا ہے اور صبح کافی شبنم جمی رہتی ہے۔ ریاست کا ایک بہت بڑا حصہ سردی کے قہر کا شکار ہے۔

ماہرین موسمیات کے مطابق شمالی ہوا نے ریاست میں سردی بڑھا دی ہے اور 19 جنوری تک راحت کی کوئی امید نہیں ہے۔