ہوناور میں گھر کے باہر کھیلتے بچے کا اغوا
ہوناور 28/ جنوری (ایس او نیوز) ہوناور پولیس اسٹیشن میں درج کروائی گئی ایک شکایت کے مطابق کاسرکوڈ ٹونکا میں اپنے مکان کے باہر کھیلتے ہوئے بچے کو نامعلوم افراد نے اغوا کرلیا ہے ۔
محمد ریحان نامی بچے کی ماں بی بی سمیہ نے اپنی شکایت میں شبہ ظاہر کیا ہے کہ گھر کے باہر کھیلتے ہوئے اس کے بچے کو کسی نے اغوا کیا ہے ۔ بچے کی شناخت کے سلسلے میں بتایا گیا ہے کہ اس کا چہرا گول، جسم سڈول اور رنگ گندمی ہے ۔ اردو، کنڑا، ہندی اور کونکنی زبان میں بات چیت کرتا ہے ۔
اگر کسی کو اس بچے کے بارے میں کوئی پتہ چلے تو ہوناور پولیس اسٹیشن کو اس کی اطلاع دینے کی گزارش کی گئی ہے ۔