بنگلورو،07 ؍اکتوبر (ایس او نیوز/ایجنسی ) کرناٹک بھر میں اے پی ایل اور بی پی ایل راشن کارڈس میں اگلے 9 دنوں تک راشن کارڈ میں ترمیم اور نئے نام بھرتی کرنے کی سہولت فراہم کی جارہی ہے، 13 /اکتوبر تک عوام کو یہ سہولت دی جائے گی۔

حکومت نے پہلے ہی نئے ناموں کی بھرتی کے لئے اجازات دی تھی، مگر سرور ڈاؤن رہنے اور اس میں خرابی کی وجہ سے نام درست کرے یا نئے ناموں کو شامل کرنے دشواری پیش آرہی تھی۔

پہلے مرحلہ میں بنگلورو شہر اور ضلع ہیڈکوارٹر میں ناموں کے اندراج کے لئے موقع دیا گیا تھا، اب باگل کوٹ ، بیلگاوی ، چکمگلورو، چامراج نگر، دکشن کنڑا،  ، ہاویری، گدگ، میسورو، اترکنڑا سمیت 11 اضلاع میں یہ سہولت فراہم کی جارہی ہے۔