بھٹکل 20؍اگست (ایس او نیوز) بھٹکل تعلقہ محکمہ بہبودئ پسماندہ طبقات کی جانب سے اربن بینک ہال میں دیوراج ارس کے 102ویں جنم دن کے حوالے سے تقریب منعقد کی جس میں پسماندہ طبقات کے ہونہار طلبہ کی تہنیت بھی کی گئی۔

پروگرام کا آغاز تعلقہ پنچایت کے صدر ایشور بلیا نے دیپ جلاکر کیا۔نیو انگلش پی یو کالج کے پرنسپال رویندرا شانبھاگ نے دیوراج ارس کی زندگی اور ان کی خدمات پر تفصیلی روشنی ڈالی۔اس موقع پر شریانک شریدھر شیٹ اورمنوج بڈیا گونڈا نامی دو طلبہ کی تہنیت کی گئی جنہوں نے تعلیمی سال 2016-17 میں پسماندہ طبقات کے زمرے میں ایس ایس ایل سی امتحان میں تعلقہ میں سب سے زیادہ مارکس حاصل کیے تھے ۔کچھ طلبہ کی جانب سے مختصر ثقافتی پروگرام بھی پیش کیا گیا۔

تعلقہ پنچایت سی ای او مسٹر سی ٹی نائک نے استقبال کیا جبکہ سریش مرڈیشور نے نظامت کی۔آنند نے کلمات تشکر پیش کیے۔ اس موقع پر اسٹیج پر وشنو دیواڈیگا، جئے لکشمی گونڈا، مہابلیشور نائک،ہنومنت نارائن نائک ، اسسٹنٹ کمشنرایم این منجو ناتھ وغیرہ موجود تھے۔قومی ترانے گانے کے ساتھ پروگرام اختتام پزیر ہوا۔