بھٹکل رکن اسمبلی نے تحصیلدار دفتر اور نیمدی کیندر کا دورہ کرتے ہوئے معمولات کا معائنہ کیا
بھٹکل :27/ستمبر(ایس اؤ نیوز) جمعرات کی صبح تعلقہ تحصیلدار دفتر، نیمدی کیندر ، تحصیلدار دفتر سے متصل سب جیل خانے کا رکن اسمبلی سنیل نائک نے دورہ کرتے ہوئے معمولات کا جائزہ لیا۔
اس موقع پر اخباری نمائندوں سے گفتگو کرتے ہوئے انہوں نے کہاکہ عوامی کاموں میں دیری ہونے کے متعلق کئی شکایات موصول ہوئی تھیں ، ان دونوں دفاتر کا دورہ کرتے ہوئے کام کاج کا معائنہ کرنے کی بات کہی۔ تحصیلدار دفتر میں تحصیلدار ، نائب تحصیلدار سمیت کئی عملہ دفتری اوقات میں غیر حاضر تھے۔ اس سلسلے میں ضلع ڈپٹی کمشنر سے بات کی گئی تو نظام ٹھیک کرنے کے لئے ایک ہفتہ کا وقت مانگا گیا ہے، بہت جلد سب کچھ ٹھیک ٹھاک ہونےکی بات کہی۔ پاگل اور آوارہ کتوں کے کاٹنے پر دوائیاں دستیاب ہیں۔ آوارہ کتوں کی روک تھام کے پیش نظر ضروری اقدام کرنے بلدیہ افسران کو کہاگیا ہے۔ ریت مسئلہ کے متعلق وزیر اعلیٰ کمار سوامی کو توجہ دلائی گئی ہے ، آئندہ ریت کی کمی کو دورکرنے کی کوششیں جاری رہنے کی بات کہی۔ بھٹکل بی جے پی صدر راجیش نائک، کرشنا نائک آسارکیری ، سبرائے دیواڑیگا، بھاسکر دئیمنے ، ہنومنت نائک، موہن نائک، لکشمی نارائن نائک وغیرہ موجود تھے۔