انجمن انجنئیرنگ کالج بھٹکل میں ایم بی اے فریشرس ڈے کا انعقاد : کالج میں میسر سہولیات سے بھرپور استفادہ کرنے پروفیسر حضرات کی طلبا سےاپیل
بھٹکل :6؍مارچ (ایس اؤ نیوز )انجمن انسٹی ٹیوٹ آف ٹیکنالوجی اینڈ مینجمنٹ بھٹکل میں 19فروری 2024 بروز جمعرات ایم بی اے فریشرس انڈکشن (ایم بی اے طلبا کا استقبالیہ ) پروگرام کامیابی کےساتھ منعقد ہوا۔
پروفیسر مفیہ شیخ نے تفصیل سے ایم بی اے کے مقاصد پر روشنی ڈالی ۔ کالج کے سنئیر اور تجربہ کار پروفیسر پریتی کلگوٹکر نے ایم بی اے کورس میں داخلہ لئے ہوئے نئے طلبا وطالبات کا استقبال کیا۔ کالج پرنسپل ڈاکٹر فضل الرحمن اور کالج کے رجسٹرار و صدر شعبہ پروفیسر زاہد کھروری نے طلبا کا استقبال کرتےہوئے ان کی حوصلہ افزائی کی اور میمونٹو پیش کیا۔
اس موقع پر ان دونوں حضرات نے طلبا سے خطاب کرتےہوئےموجودہ دور میں ایم بی اے کی تعلیم کی اہمیت اور ضرورت اور تعلیم کے لئے ضروری نظم وضبط ، محنت و مشقت پرروشنی ڈالی۔ انجمن کالج میں طلبا کے لئے میسر کتب خانے، کمپیوٹر ، کھیل کی لوازمات جیسی سہولیات سے بہتر استفادہ کرنےکی اپیل کی۔ انہوں نے بتایاکہ اس وقت انجمن کے اے آئی ٹی ایم میں جس طرح کی معیاری تعلیم دی جارہی ہےوہ بہت بہترین ہےمزید اس میں اضافہ اور ترقی کی جارہی ہے تاکہ طلبا اپنے تعلیمی سفر کو آسانی سے طئے کرتےہوئے مستقبل کو روشن کریں۔ آخر میں پروفیسر سعد کولا نے شکریہ ادا کیا۔ پروفیسر شری کانت اور پروفیسر تصفیہ نے انڈور کھیلوں کا اہتمام کرتےہوئے طلبا کےلئے خوشگوار ماحول فراہم کرنےکی کوشش کی۔ مجموعی طورپر پروگرام کے ذریعے مستقبل کے قائدین اور تعلیم سے دلچسپی پیدا کرنا مقصود تھا جس میں کسی حد تک کامیابی ملی۔ پروگرام میں ایم بی اے کے فریشرس کے علاوہ ان کےخاندان والے اور سنئیر طلبا بھی موجود تھے۔