بھٹکل:17/ نومبر (ایس اؤنیوز)بچے کے جنم دن سے لے کر 28دنوں تک نوزائیدہ بچہ کی دیکھ بھال اور پرورش بہت اہمیت رکھتی ہے۔ بچہ جنم لیتے ہی نئے کپڑے کا استعمال نہ کریں۔ اچھی طرح دھویا ہوئے سفید کپڑے سے بچہ کا جسم پاک صاف کریں۔ بچہ پیدا ہوتے ہی ماں اپنے سینہ سے لگالیتی ہے تو دونوں کے رشتہ میں مضبوطی ہوگی۔ ان خیالات کااظہار ڈاکٹر سنتوش نےکیا۔
وہ یہاں دھرمستھل دیہی ترقی منصوبہ جات ہوناور بھٹکل علاقہ کے بیلکے محاذ کی طرف سے منعقدہ بین الاقوامی یوم تحفظِ اطفال پروگرام میں مہمان خصوصی کی حیثیت سے بات کررہے تھے۔ ہوناور بھٹکل منصوبہ جات افسر ایم ایس ایشور نے خطاب کرتے ہوئے کہاکہ ماں رحم کا خزانہ ہے ، اس کا مقام بہت بڑاہے ، بچہ کی پرورش کے لئے گھر کا ماحول اہم رول ادا کرتاہے۔ بچوں کو صرف نوکری کے لئے تعلیم نہ دلائیں بلکہ معاشرے کی تعمیر کے لئے تعلیم ضروری ہونے کی بات کہی۔ سی ڈی پی اؤ سوشیلا نے محکمہ کی طرف سے ماں اور بچے کی صحت اور اس کی حفاظت کے متعلق جاری کردہ سہولیات کی جانکاری دیتے ہوئے کہاکہ حاملہ اور زچہ خواتین کے لئے مقوی غذا فراہم کرنے حکومت کی طرف سے ایک نئے منصوبے کوجاری کیاگیا ہے ، اس سے استفادہ کرنے کی اپیل کی ۔
بھٹکل تعلقہ جرنالسٹ اسوسی ایشن کے صدر رادھا کرشن بھٹ نے پروگرام کا افتتاح کرنے کے بعد کہاکہ بچوں میں بہترین اخلاق ، تہذیب ، کردار کے لئے ماؤں کا اہم کردار ہوتاہے ، اس سلسلے میں مائیں بیدار رہنے کی بات کہی۔ بچے جب جوانی کو پہنچے تو اس کی کڑی نگرانی کریں۔ بیلکے گرام پنچایت کے صدر رمیش نائک نے صدارت کی ۔ محاذ کی صدر شانتی جگدیش موگیر موجود تھیں۔
اُڈپی علاقہ کی افسر انیتا شٹی نے افتتاحی کلمات پیش کیں تو بیلکے زون کی نگراں کار ریشما نے استقبال کیا۔ آنگن واڑی کارکن ناگوینی نے نظامت کی۔ شکریہ کلمات وملا نے ادا کئے۔ پروگرام میں 6ماہ کی حاملہ عورتوں کی عزت افزائی کرتے ہوئے میمونٹو دیاگیا۔