بھٹکل :25؍فروری (ایس اؤ نیوز ) ضلع نگراں کارو زیر منکال وئیدیا نے اتوار اکو نجمن کالج روڈ پر واقع شہر کے اپنے دفتر میں عوامی رابطہ میٹنگ منعقد کرتےہوئے عوام کے مسائل اور شکایتوں کی سماعت کرتےہوئے انہیں حل کرنےکا تیقن دیا۔
میٹنگ میں شریک ہوئیں زیادہ تر عورتوں نے وزیر کو متوجہ کرتےہوئے بتایا کہ جل جیون مشن کےکام مکمل نہیں ہونے سے پینے کا پانی نہیں مل رہاہے، پانی کی تلاش میں اِدھر اُدھر جانا ہمارے لئے دشوار ہے۔ وزیر موصوف نے شکایات کی سماعت کرنےکے بعد تیقن دلا یا کہ بھٹکل کےلئے مستقل پینے کے پانی کا منصوبہ کے نفاذ کے لئے تیاری کرلی گئی ہے۔ کالج فیس کی ادائیگی نہ ہونے سے کالج چھوڑنے کی نوبت آجانےکا دکھڑا سناتے ہی وزیر نے کہاکہ جتنی بھی فیس ہے وہ ادا کردی جائےگی۔ بڑی بیماری میں مبتلا ایک مریض نے علاج کےلئے مالی تعاون چاہا تو وزیر نے ذاتی طورپر مالی مدد کرنے کے بعد کہاکہ حکومت کی طرف سے امداد دلا نےکی کوشش کی جائے گی۔
دیہی شہریوں نے ہینجلے اور منڈلی کےلئے بس کا انتظام کئے جانےکامطالبہ کیا۔ رہائشی ، سڑک، گرہہ لکشمی منصوبہ جات سمیت مختلف مسائل کی طرف سے عوام نے وزیر کو متوجہ کیا۔ اس موقع پر بلاک کانگریس سکریٹری سریش نائک، گوپال نائک ، راجو نائک، منجپا نائک موجود تھے۔