بھٹکل انجمن انجنئیرنگ کالج کو بی ای فائنل میں 95فی صد نتائج حاصل : الکٹریکل اینڈ الکٹرانکس شعبہ میں صد فی صد طلبا کامیاب
بھٹکل:25؍اگست (ایس اؤ نیوز) بھٹکل انجمن حامئی مسلمین کے زیر سرپرستی چلنے والے انجمن انسٹی ٹیوٹ آف ٹکنالوجی اینڈ مینجمنٹ کے بی ای فائنل ائیر کے طلبا نے سال 2021کے سالانہ امتحانات میں 95فی صد کامیابی درج کی ہے۔
کالج کی طرف سے جاری پریس ریلیز کے مطابق کالج کی طرف سے 138طلبا امتحان میں شریک ہوئے تھے جن میں سے 131 طلبا کامیاب ہوئےہیں۔ کالج نتیجہ کی کل شرح 95فی صد ہے۔
کالج کے شعبہ الیکٹریکل اینڈ الیکٹرانکس نے 100فی صد کامیابی درج کرتےہوئے بہترین کارکردگی کا مظاہرہ کیا ہے ۔ شعبہ میں سلمان سلیم کُٹیّ نے 9.00 SGPA کے ساتھ ٹاپ کیا ہے۔شعبہ میکانکل میں 97.36فی صد طلبا کامیاب ہوئے ہیں اور سید مفید 9.68 SGPA کے ساتھ اول مقام پر ہے۔ کمپیوٹر سائنس اینڈ انجنئیرنگ شعبہ میں 96.67فی صد طلبا کامیاب ہوئے ہیں اور پوجا شیٹھ 9.25 SGPA کے ساتھ پہلے نمبر پر ہے۔
الیکٹرانکس اینڈ کمیونکشن انجنئیرنگ شعبہ میں 94.11فی صد نتیجہ درج ہواہے اور لیلاکشی گونڈا9.45 SGPAکے ساتھ شعبہ میں اول مقام حاصل کیا ہے۔ شعبہ سول میں 90.40فی صد نتائج درج ہوئے ہیں تو منجوناتھ بھٹ 9.65 SGPA کے ساتھ ٹاپ کیا ہے۔ امتحانات میں کامیاب سبھی طلبا کو انجمن حامئی مسلمین بھٹکل کے صدر، جنرل سکریٹری ، ایڈیشنل جنرل سکریٹری اور عہدیداران ، کالج پرنسپال اور اساتذہ وغیرہ نے مبارکبادی پیش کی ہے۔