بنگلورومیں ایک ہی دن138افرادکورونا کاشکار،7ہلاک،ریاست میں 337نئے کیس
بنگلورو،20؍جون(ایس او نیوز)کوروناوائرس کا بے لگام پھیلاؤرُکنے کانام نہیں لے رہا ہے۔ریاست میں ہرگزرتے دن کے ساتھ کووِڈ۔19کے متاثرین کی تعدادمیں بے تحاشہ اضافہ باعث تشویش بناہواہے۔
راجدھانی بنگلورمیں گرشتہ 24گھنٹوں کے دوران کووِڈ۔19کے 138معاملات کا پتہ چلاہے اورشہرمیں ایک دن میں 7افرادکوروناکے علاج کے دوران ہلاک ہوگئے ہیں۔ بروزجمعرات شام 5بجے سے بروزجمعہ شام 5 بجے تک ریاست کرناٹک میں کوروناکے 337معاملات کا پتہ چلاہے -
ریاستی محکمہ صحت کی جانب سے جاری تازہ جانکاری ہیلتھ بلیٹن کے مطابق 337نئے کوروناکیس سامنے آئے،اس کے ساتھ ہی ریاست میں کوروناسے متاثرہونے والوں کی تعدادبڑھ کر8281ہوگئی ہے۔ ان میں سے 5210افرادکورونا سے صحت یاب ہوئے ہیں۔مزید2943مریض کووِڈاسپتالوں میں زیرعلاج ہیں۔337متاثرین میں سے 93 افرادبیرونی ریاستوں جبکہ 11 افرادبیرونی ممالک سفرکاپس منظررکھنے والے ہیں۔ بنگلوروشہر میں ایک ہی دن 138معاملات پیش آئے۔کلبرگی میں 52، بلاری میں 37، ہاسن میں 18،دکشن کنڑامیں 13،داونگیرے میں 12، اڈپی میں 11، بیدرمیں 10، میسورو،کوپل میں چھ چھ، یادگیر،کولار،بنگلوردیہی اضلاع میں چارچار،منڈیا،دھارواڑ،چکبالاپور،باگل کوٹ اوررام نگرمیں تین تین۔چکمگلور اورٹمکورمیں دودو، بیلگاوی،اترکنڑااورشیموگہ میں ایک ایک کورونامعاملات درج کئے گئے ہیں۔ شہرمیں 7افرادکوروناسے فوت ہوگئے۔مرنے والوں میں 65سالہ خاتون،78سالہ شخص سمیت مختلف عمروالے (72/58/50/54/69) افرادآج کورونا سے فوت ہوئے۔اس کے علاوہ وجئے پورمیں 66سالہ خاتون،بیدرکے 45اور70سال عمروالے افرادکوروناعلاج کے دوران فوت ہوگئے۔ریاست میں آج جملہ 10افرادہلاک ہوئے۔اس طرح کووِڈسے مرنے والوں کی تعدادبڑھ کر 124ہوگئی ہے۔