بیلتھنگڈی:14؍فروری (ایس او نیوز)دھرمستھل میں دو دن بعد منعقدہونے والے  باہوبلی مہا مستکابھیشک پروگرام کے مین ڈائس کی چھت  گرنے سے  کئی لوگ زخمی  اور بڑ ے سائز کے ایل ای ڈی بلب کو نقصان پہنچنے کا واقعہ آج دوپہر کو  پیش آیا ہے۔ ٹین کی چھت  گرنے کے دوران  اندر کچھ ہی لوگ ہونے کی وجہ سے  ایک بڑا حادثہ ٹل گیا۔ کوئی جانی نقصان نہیں ہواہے۔

مہا مستکابھیشک پروگرام کی مناسبت سے مندر کے صحن میں پنچ مہا وئیبھو کےلئے  ٹین شیٹوں کی چھت لگائی گئی تھی ۔ اچانک  شامیانہ ٹوٹ کر گرا ہے ۔ شامیانے کے نیچے کئی لوگ پھنسے رہنے کی بات کہی جارہی ہے، خود کار اور فائر برگیڈ کا عملہ تحفظاتی کارروائی میں مصروف ہے۔