بینگلورو، 15/اگست (ایس او  نیوز/ایجنسی) ) بروہت بینگلورو مہا نگر پالیکے(بی بی ایم پی) کے چیف کمشنر تشار گری ناتھ نے بتا یا کہ بی بی ایم پی صدر دفتر کے احاطہ میں موجود کوالیٹی کنٹرول لیباریٹی میں آتشزدگی کے معا ملہ کی جانچ تمام زاویوں سے کی جارہی ہے،رپورٹ موصول ہو نے کے بعداس کو حکومت کے سامنے پیش کی جائے گی۔

انہوں نے کہا کہ جانچ کے لئے بی بی ایم پی کے افسران اورملازمین بھر پور تعاون کررہے ہیں۔ وکٹو ریہ اسپتال میں زیر علاج9افراد میں سے3کی حالت نازک ہے،انہیں مزید بہتر علاج کیلئے ڈاکٹروں کو ہدایت دی گئی۔ زخمیوں میں چیف انجینئرشیوکمار25فیصد جھلس گئے ہیں،انہیں گلے میں تکلیف کی وجہ سے بات کرنے میں پریشانی محسوس ہو رہی ہے،ان کے علاوہ ایگزی کیٹیو انجینئر کرن کی حالت نازک بتا ئی گئی ہے، انہیں دو مرتبہ ڈیالیسس کیا گیا ہے، نفرالوجی کے ماہر ڈاکٹرس ان پر گہری نگاہ رکھے ہوئے ہیں۔

انہوں نے بتا یا کہ ڈیٹا آپریٹر جیوتی کے منہ پر زخم آئے ہیں،جس کی وجہ سے انہیں سانس لینے میں تکلیف ہو رہی ہے،مذکورہ تینوں کی حالت نازک بتا ئی گئی ہے لیکن وہ خطرہ سے باہر ہیں۔بی بی ایم پی چیف کمشنر نے بتا یا کہ تمام زخمیوں کا مکمل علاج بی بی ایم پی کی جانب سے ہی کیا جارہا ہے،جن زخمیوں کو پلاسٹک سرجری کی ضرورت ہے انہیں سرجری کروانے کا بھی بی بی ایم پی نے فیصلہ کیا ہے۔

 لیباریٹری میں ڈی گروپ کے ملازمین تعاون کر سکتے ہیں لیکن تمام کام نہیں کر سکتے۔ اس معا ملہ کی داخلی جانچ کے لئے بی بی ایم پی کے چیف انجینئر پرہلاد کو ہدایت دی گئی ہے۔ آنے والے دنو ں میں اس طرح کے حادثات سے بچنے کیلئے احتیاط برتی جائے گی۔