اسمبلی اجلاس۔حکومت کو گھیرنے اپوزیشن کانگریس تیار
بنگلورو،18؍ستمبر (ایس او نیوز) پیر سے شروع ہورہے اسمبلی سیشن میں وقفہ سوالات کے دوران بی ایس ایڈی یورپا کی قیادت والی بی جے پی حکومت کو گھیرنے کے لئے اپوزیشن کانگریس نے تیاریاں شروع کردی ہیں۔
کے پی سی سی صدر ڈی کے شیوکمار نے آج کہا کہ مختلف معاملات پر حکومت پر حملہ کرنے کے لئے پارٹی نے مکمل سوال نامہ تیار کررکھا ہے۔ سی ایل پی اجلاس میں شیوکمار نے اپنے ساتھیوں سے بھی کہا ہے کہ وہ حکومت کو آڑے ہاتھوں لینے مختلف معاملات میں اچھی طرح تیاری کریں۔مجوزہ اسمبلی اجلاس ہنگامہ خیز ہوگا، کیونکہ کانگریس اس اجلاس میں سیلاب کی تباہی، کووِڈ۔19 سے نمٹنے میں حکومت کی ناکامی، میڈیکل اشیاء کی خریداری میں ہوئی دھاندلیاں، جی ایس ٹی معاوضہ، قرضے کی بڑھتی ہوئی رقم اپوزیشن کانگریس ان تمام معاملات کو اٹھا کر حکومت کو آڑے ہاتھوں لینے کافیصلہ کیا ہے۔ کہا جارہا ہے کہ اے پی ایم سی قانون میں ترمیم کرنے مرکزی حکومت نے ریاست سے نہیں کہا تھا، اس کے باوجود ریاستی حکومت نے اپنے آپ ہی اس میں ترمیم کردی۔ترمیم سے قبل ریاستی اپوزیشن سے صلاح مشورہ تک نہیں کیا۔