کرناٹک میں کورونا کاقہر :ریاست کی تمام مساجدمیں جمعہ سمیت تمام نماز وں کو معطل کرنے کاحکم

Source: S.O. News Service | Published on 24th March 2020, 10:59 AM | ریاستی خبریں | ان خبروں کو پڑھنا مت بھولئے |

بنگلورو،24؍مارچ (ایس ا ونیوز) کرناٹک حکومت نے کورونا وائرس کی وباء پر قابوپانے کے لیے سخت اقدامات کرنے شروع کردیئے ہیں۔ ملک میں پہلی بار کرناٹک حکومت نے ریاست کی تمام مساجد میں جمعہ سمیت تمام نمازوں کو معطل کرنے کا حکم دیاہے۔ اس سلسلہ میں محکمہ اقلیتی بہبود کے سکریٹری کی جانب سے احکامات جاری کیے گئے ہیں۔ ان احکامات کےمطابق 31 مارچ تک ریاست کرناٹک کی تمام مساجد میں جمعہ سمیت تمام نمازوں کو معطل کرنے کی ہدایت دی گئی ہے۔ ان احکامات میں کہا کہ گیاہے کہ کورو نا وائرس کی وباء پر قابو پانے کے لیے یہ فیصلہ کیاگیاہے۔ ریاست حکومت کے اس فیصلہ کے بعد اب مساجد کمیٹیوں کی جانب سے اس سلسلہ میں اقدامات کیے جانے کی امید ہے۔

یاد رہے کہ ریاست حکومت نے اس سے پہلے شادیوں کی بڑی تقریبات سے لیکر شاپنگ مال بند رکھنے کا فیصلہ کیاتھا۔کرناٹک کے گلبرگہ شہر میں کورونا وائرس سے متاثرہ ایک شخص کی موت کے بعد حکومت چوکنہ ہوگئی ہے۔ وزیراعلیٰ بی ایس یڈیورپا نے بنگلورو سے ریاست کے حالات پر نظر بنائے ہوئے ہیں۔ اس کے علاوہ حکومت نے کرناٹک میں ایک ہفتہ تک بند جیسا ماحول تمام اسکول اور کالج ایک ہفتہ کیلئے بند رہیں گےتمام یونیورسٹیاں ایک ہفتہ تک بند رہیں گے ۔

کرنا ٹک حکومت نے آئی ٹی بی ٹی کمپنیوں کے ملازمین کوگھر سے ہی کام کرنے کی ہدایت دی ہے ۔وزیراعلیٰ یڈیورپا نے کہا کہ کورونا وائرس سے نمٹنے کیلئے عوام حکومت اور انتظامیہ سے تعاون  کریں۔ وزیراعلی ٰنے کہاکہ لوگ شادیوں کی تقریب میں کم سے کم افراد کو مدعوکریں۔ سادگی کے ساتھ شادی کی تقریب منعقد کریں۔

ایک نظر اس پر بھی

ضروری سامان کی خریداری کیلئے پیدل ہی جائیں۔ بومئی

دو پہیہ کی گاڑی سواروں کے خلاف پولیس کی طرف سے کی جا رہی کارروائیوں اور خاص طورپر گاڑیوں کے ضبط کئے جانے کے معاملہ کا دفاع کرتے ہوئے ریاستی وزیرداخلہ بسوراج بومئی نے کہا ہے کہ پولیس کی طرف سے قوت کا استعمال اسی وقت کیا جاتا ہے جب صورت حال ان کے قابو سے باہر ہو جاتی ہے۔

نظام الدین کے اجتماع میں شریک حضرات جانچ کروالیں: اقلیتی بہبود کے سکریٹر اے بی ابراہیم کی اپیل

ریاستی محکمہ اقلیتی بہبود کے سکریٹر اے بی ابراہیم نے اپنے ایک اخباری بیان میں تبلیغی مرکز نظام الدین کے اجتماع میں مارچ کے دوران شرکت کرنے الوں سے اپیل کی ہے کہ وہ اپنے ضلع یا تعلقہ میں محکمہ صحت سے رابطہ کر کے اپنی جانچ کروالیں۔

 کوروناوائرس وباء:بھٹکل میں تیا ر ہورہے ہیں طبی عملے کے لئے ’حفاظتی کٹس؛ لاک ڈاون کے دوران بھی جاری ہے کام

پورے ملک میں کورونا وائرس وباء پھیلنے کی وجہ سے لاک ڈاؤن کیا گیا ہے، جس کے وجہ سے بہت سارے کارخانے اور کمپنیاں بندکردی گئی ہیں اور اس سے مزدوروں کو معاشی مشکلات کاشکار ہونا پڑرہا ہے۔لیکن بھٹکل میں ایک کارخانہ ایسا ہے جہاں لاک ڈاؤن کے دوران بھی مسلسل کام چل رہا ہے۔

کرناٹک سے درجنوں افراد نے مرکز نظام الدین کے اجتماع میں شرکت کی؛ کورونا سے ایک کی موت، باقی کی نشاندہی کر کے کورانٹائن، 13/ افراد میں وائرس نہ ہونے کی تصدیق

دہلی کے مرکز نظام الدین میں 10/ مارچ کو ہوئے اجتماع میں شریک افراد میں سے 24 کے کورونا وائرس کا شکار ہوجانے اور ان میں سے6/افراد کی موت کی خبروں کے بعد اس مرکز کے اجتماع میں شرکت کے بعد اپنے اپنے مقامات پر لوٹنے والے افراد کی نشاندہی کر کے انہیں کورانٹائن کرنے کا سلسلہ شروع ہوا ہے۔

کشمیر کی پہلی وائرس متاثرہ خاتون روبہ صحت ہوکر ہسپتال سے رخصت

وادی کشمیر میں کورونا وائرس کے مثبت کیسز میں اضافے کے بیچ سری نگر کے خانیار علاقے سے تعلق رکھنے والی وادی کی پہلی وائرس متاثرہ خاتون مکمل طور پر صحت یاب ہوئی ہے اور اس کو شیر کشمیر انسٹی ٹیوٹ آف میڈیکل سائنسز صورہ سے ڈسچارج بھی کیا گیا ہے۔

کورونا وائرس وباء:اڈپی ضلع میں 13مریضوں کو آئسولیشن وارڈ میں داخل کیا گیا۔ پوزیٹیو معاملات کے لئے مختص کیا گیا اسپتال

اڈپی ضلع ڈسٹرکٹ ہیلتھ آفیسر ڈاکٹر سوڈ نے بتایا ہے کہ کورونا وائرس سے متاثر ہونے کے شبہ میں یکم اپریل کے دن 13 مریضوں کو  ضلع کے مختلف اسپتالو ں میں داخل کیا گیا ہے۔

نظام الدین کے اجتماع میں شریک حضرات جانچ کروالیں: اقلیتی بہبود کے سکریٹر اے بی ابراہیم کی اپیل

ریاستی محکمہ اقلیتی بہبود کے سکریٹر اے بی ابراہیم نے اپنے ایک اخباری بیان میں تبلیغی مرکز نظام الدین کے اجتماع میں مارچ کے دوران شرکت کرنے الوں سے اپیل کی ہے کہ وہ اپنے ضلع یا تعلقہ میں محکمہ صحت سے رابطہ کر کے اپنی جانچ کروالیں۔