دفاعی کانٹریکٹ کا معاملہ، ایمازون نے پینٹاگون کو چیلنج کر دیا
واشنگٹن،23/نومبر(آئی این ایس انڈیا)امریکی محکمہ دفاع کی جانب سے ایک اہم دفاعی کانٹریکٹ مائیکروسافٹ کو دیے جانے کے خلاف ایمازون نے جمعے کو ایک امریکی وفاقی عدالت میں مقدمہ درج کرا دیا ہے۔ ایمازون کے ترجمان نے اس پیش رفت کی تصدیق کر دی ہے تاہم فی الحال یہ واضح نہیں کہ مقدمے میں کیا موقف اختیار کیا گیا ہے۔ پچھلے ماہ ایک غیر متوقع فیصلے میں پینٹاگون نے دس بلین مالیت کا ’انٹرپرائز ڈیفنس انفراسٹرکچر کلاؤڈ‘ (جے ای ڈی آئی) نامی منصوبہ ایمازون کی حریف کمپنی مائیکرو سافٹ کو دینے کا اعلان کیا تھا۔ تکنیکی اعتبار سے اس مخصوص کانٹریکٹ کے لیے ایمازون زیادہ موزوں کمپنی تھی۔