بنگلورو،24؍فروری(ایس او نیوز)ریاست میں امسال 8لاکھ 51ہزارطلبہ وطالبات ایس ایس ایل سی امتحانات لکھیں گے۔ 8.51لاکھ طلبہ نے ایس ایس ایل سی کے لیے اپنے ناموں کااندراج کروایا ہے۔یہ اطلاع ریاستی وزیربرائے بنیادی وثانوی تعلیم ایس سریش کمارنے دی۔

بروزمنگل شہرکے سمگراشکشنادفترمیں 2020ء کے ایس ایس ایل سی امتحان میں کامیاب طلبہ کی سرگزشت پرمبنی کتاب کااجراکرنے کے بعدانہوں نے کہاکہ گزشتہ سال کووڈ۔19کے وباکے دوران ملک کے لیے مثال بنتے ہوئے ہم ریاست میں ایس ایس ایل سی امتحانات کوکامیابی سے منعقدکیاتھا۔امسال بھی ایس ایس ایل سی امتحان اورعمدہ طریقہ سے منعقدکئے جائیں گے۔امسال 8.51لاکھ طلبہ ایس ایس ایس سی امتحان کے لیے اپنے ناموں کااندراج کروایاہے۔جبکہ گزشتہ سال 8.48لاکھ طلبہ نے ایس ایس ایل سی امتحان کے لیے اپنے ناموں کااندراج کروایاتھا۔گزشتہ سال بہ نسبت امسال 3ہزارزائدطلبہ نے ایس ایس ایل سی کے لے اپنے ناموں کواندراج کروایاہے۔

انہوں نے مزیدکہاکہ ایس ایس ایل سی امتحانات کاعارضی نظام الاوقات جاری کردیاگیاہے،25فروری کے بعد ایس ایس ایل سی امتحان کافائنل ٹائم ٹیبل جاری کردیاجائے گا۔انہوں نے مزیدکہاکہ پہلی تاپانچویں جماعت کے کلاسوں کاآغازکرنے کے سلسلہ میں اس ہفتہ پھرایک مرتبہ کووڈتکنیکی ٹیم کے ساتھ تبادلہ خیال کرتے ہوئے اس حوالے خصوصی رہنماخطوط حاصل کئے جائیں گے۔ریاست میں چھٹی سے آٹھویں جماعت کے کلاسوں کے آغازپرعوام اورطلبہ کی جانب سے بہترردعمل ظاہرہواہے۔ا س لیے اب پہلی تاپانچویں کے کلاسوں کوشروع کرنے کے بارے میں ٹکنیکی کمیٹی سے صلاح مشورہ کیاجارہاہے۔کمیٹی کامشورہ لینے کے بعد فیصلہ کیاجائے گا۔

سریش کمارنے مزیدکہاکہ پرائیویٹ تعلیمی اداروں کی جانب سے حاصل کی جارہی فیس میں کٹوتی کافیصلہ طلبہ اوروالدین کی رعایت میں لیاگیابہترین فیصلہ ہے۔اس بارے میں پرائیویٹ تعلیمی اداروں کے ساتھ تبادلہ خیال کیاجائے گا۔انہوں نے کہاکہ پرائیویٹ تعلیمی اداروں کے تدریسی وغیرتدریسی عملہ کے لیے خصوصی پیکیج جاری کرنے کے معاملہ میں وزیراعلیٰ بی ایس ایڈی یورپا سے بات چیت کی جائے گی۔کچھ بھی ہوپرائیویٹ تعلیمی اداروں اورسرپرست ووالدین کے تعلقات درست وصحیح نہیں ہیں۔اس صورتحال کے اثرات طلبہ کی تعلیم وتدریس پرنہیں پڑناچاہئے۔