ریاست کرناٹک میں کوروناوائرس کے 8نئے معاملات کی تصدیق متاثرین کی تعداد 215 ہوگئی،اب تک39افراد صحتیاب
بنگلورو،12؍اپریل(ایس او نیوز) ریاست میں بروزہفتہ کوروناوائرس کے 8نئے معاملات درج کئے گئے،اس کے ساتھ کوروناوائرس سے متاثرہونے والوں کی تعداد بڑھ کرریاست میں 215ہوگئی ہے،ان میں سے 6افرادعلاج کے دوران فوت ہوگئے،جبکہ 39افرادکوروناوائرس کے انفیکشن سے صحتیاب ہوئے جنہیں اسپتالوں سے ڈسچارج بھی کیاگیا -
فی الحال ریاست بھرمیں کوروناوائرس کے 170سرگرم معاملات میں سے 166افرادکی نشاندہی کرکے اسپتالوں کے آئسولیشن وارڈوں میں زیرعلاج رکھاگیاہے، علاج بھی اثراندازہورہا ہے،تمام کی حالت مستحکم ہونے کی اطلاع ہے،تاہم 4افرادکو آئی سی یو میں رکھاگیاہے -
محکمہ صحت کی جانب سے روزانہ کی ہیلتھ بلیٹن میں جانکاری دیتے ہوئے بتایا گیاہے کہ مریض نمبر208 بی بی ایم پی کی مضافات کا32سالہ شخص ہے،یہ مریض نمبر196کے ربط میں آنے سے کوروناکاشکارہوا-
مریض نمبر209میسوروضلع کا 46سالہ شخص ہے،یہ مریض نمبر 88کے ربط میں آیا تھا- مریض نمبر210 میسوروضلع کے 43سالہ شخص ہے یہ بھی مریض نمبر 88کے ربط میں آیا تھا- مریض نمبر211 میسوروضلع کے 27سالہ شخص ہے یہ بھی مریض نمبر 88کے ربط میں آیا تھا- مریض نمبر212 میسوروضلع کا1 3سالہ شخص ہے یہ بھی مریض نمبر 88کے ربط میں آیا تھا- مریض نمبر213 میسوروضلع کا 26سالہ شخص ہے یہ بھی مریض نمبر 88کے ربط میں آیا تھا-
مریض نمبر214،بیدرضلع کی 50سالہ خاتون ہے یہ خاتون مریض نمبر 122کے ربط میں آنے کی وجہ سے کوروناسے متاثرہوئی ہے -
مریض نمبر215 بی بی ایم پی حدودکا 10سالہ بچہ ہے یہ بچہ مریض نمبر 92کے ربط میں آنے کی وجہ سے کوروناکاشکارہوا-بچہ کا علاج مقررہ اسپتال کے آئسولیشن وارڈمیں کیاجارہاہے -
ہیلتھ بلیٹن میں مزیدبتایاگیاہے کہ بی بی ایم پی حدودمیں واقع 31فیورکلینکس میں 185افرادکی طبی جانچ کی گئی ہے، 1065افرادکو اپریل 10کو جانچ سے گزاراگیا،اس طرح ریاست میں جملہ 31494افرادکی تشخیص کی گئی ہے -
بی بی ایم پی حدودمیں جراثیم کش ادویہ کے چھڑکاؤ کاکام جاری ہے، اب تک تقریبا تما م عمارتوں پراسپرے کردیاگیاہے،باقی عمارتوں پر دواؤں کا چھڑکاؤ بہت جلد مکمل کرلینے کی ہدایت جاری کردی گئی ہے -