ریاست کرناٹک میں 57گھنٹوں تک کرفیو،بارش نے کیازورداراستقبال
بنگلورو،24؍اپریل (ایس او نیوز) بنگلوروشہرسمیت ریاست کے مختلف علاقوں میں بروزجمعہ گرج چمک کے ساتھ موسلادھاربارش ہوئی۔ بنگلوروشہر کے شیواجی نگر، میجسٹک،میسوربینک سرکل،رچمنڈسرکل،کنگیری،بسون گڈی،ملیشورم،گٹہلی،کارپوریشن سرکل،بنشنکری،جیانگر،گری نگر،جے پی نگر،اندرانگر،بسویشورنگر،ودھان سودھا،شانتی نگر،الیکٹرنک سٹی،جے پی نگر،کورومنگلا،ایم جی روڈجیانگرسمیت شہرکے دیگرعلاقوں میں شام 5:30سے6:30بجے مسلسل موسلادھاربارش ہوئی،دیکھتے ہی دیکھتے سڑکیں اووروڈجل تھل ہوگئے۔نالوں اورگلیوں سے پانی بہنے لگا۔سوکھے اورقحط زدہ شہرسے معروف کولارضلع میں موسلادھاربارش کی خبریں موصول ہوئی ہیں،بارش سے عوامی معمولا ت متاثرہوگئے۔عوام کوکئی مشکلوں اورپریشانیوں سے دوچارہوناپڑا۔طوفانی بارش سے کئی درخت اکھڑگئے۔بجلی کے کھمبے زمین بوس ہوگئے۔کے جی ایف کے گوتم نگر،رابرٹ سن پیٹ میں درخت اوربجلی کے کھمبے اکھڑگئے، درختوں کے گرنے سے ٹووھیلراورآٹوٹوٹ پھوٹ گئے۔زورداربارش سے نشیبی علاقوں میں بارش کاپانی جمع ہوگیا۔
کل یعنی جمعہ رات 9بجے سے پیرصبح تک 57گھنٹوں تک ریاست بھرمیں کرفیونافذہے،اس کرفیو کازورداربارش نے استقبال کیا۔گرج چمک کے ساتھ ریاست کے مختلف علاقوں میں زبردست بارش ہوئی۔موسم گرماکے موقع اس طوفانی بارش نے عوام کوتھنڈک پہنچائی۔
ویک ینڈکرفیوکی وجہ سے بیرون اضلاع کے باشندے اپنے اپنے گاؤں جانے کے لیے سینکڑوں کی تعدادمیں بنگلوروسے کوچ کرجارہے تھے،جس کی وجہ سے ٹمکورسمیت اترکنڑا کے مختلف اضلاع کوجانے والے افرادکی سواریاں نیلمنگلا کے قریب نویوگ ٹول گیٹ کے پاس جمع ہوگئیں، سواریوں کی ازدحام سے ٹرافک مومنٹ میں فرق آیا۔لوگوں کوجلدازجلداپنے اپنے گاؤں کوپہنچے کی فکرتھی دوسری طرف بارش نے ان کے اس سفرکوتھوڑی دیرکے لیے روک لگادی۔
دریں اثناء کے ایس این ڈی ایم سی کی جانب سے بنگلوردیہی ضلع،چکمگلورو،چترادرگہ، داونگرہ،ہاسن،کوڈاگو،کولار، منڈیا، میسورو،اورشیموگہ اضلاع میں یلوالرٹ کااعلان کیاگیاہے۔