سماترا ، 11/مارچ (ایس او نیوز /ایجنسی) انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک لاپتہ بتائے گئے ہیں جن کے زندہ ملنے کی امیدیں کم ہیں۔ مسلسل بارش اور خراب موسم کے باعث امدادی کاموں میں مشکلات کا سامنا ہے۔

سیلاب میں کئی افراد بہہ گئے جبکہ درخت اور ہورڈنگز گرنے سے بھی 6ہلاکتوں کی اطلاعات ہیں ۔اس طرح مجموعی طور پر ہلاکتوں کی تعداد19ہوگئی جبکہ 10 سے زائد افراد انتہائی نگہداشت والے وارڈ میں زیرعلاج ہیں۔ محکمہ موسمیات نے بارش کا سلسلہ مزید 2 روز جاری رہنے کا امکان ظاہر کیا ہے ۔ ہلاکتوں میں اضافے کا خدشہ بھی ظاہر کیا جا رہا ہے۔