بھٹکل 26 مارچ (ایس او نیوز) کمٹہ اور ہوناور کے درمیان واقع چِپّی ہکّل میں 110 کے وی جمپر کٹ ہوجانے سے ہوناور کے ساتھ ساتھ بھٹکل بھی اندھیرے میں ڈوب گیا جس سے عوام کو سخت پریشانی کا سامنا کرنا پڑا۔
منگل شام قریب آٹھ بجے جیسے ہی الیکٹری سٹی بند ہوگئی، عام لوگوں بالخصوص روزہ دارحضرات کو جو تراویح کی نماز کے لئے جارہے تھے سخت دشواری کا سامنا کرنا پڑا، اُن تمام مساجد میں جہاں جنریٹر اور بیٹری کا انتظام نہیں ہے، شدید گرمی میں مسلمانوں نے عشا ء اور تراویح کی نماز ادا کی۔
ہیسکام کے بھٹکل اسسٹنٹ انجینر منجوناتھ نے بتایا کہ چِپّی ہّکل میں جمپر کٹ ہوگیا ہے، فوری طور پر مرمت کا کام شروع کیا گیا ہے، انہوں نے توقع ظاہر کی رات گیارہ سے ساڑھے گیارہ بجے تک الیکٹری سٹی بحال ہوجائے گی۔ انہوں نے بتایا کہ بھٹکل کےساتھ ساتھ ہوناور میں بھی بجلی منقطع ہوگئی ہے ۔
انجینر نے عوام الناس سے تعاون کی درخواست کی ہے۔