ಕೋಲಾರ, ಜುಲೈ 28-ಪ್ರಸ್ತುತ ರೈತರ ಪಾಲಿನ ಕಾಮಧೇನುವಾಗಿರುವ ಟಮೋಟೋ ಹಣ್ಣು ಇಂದು ಬೆಳೆದವರ ಪಾಲಿಗೆ ಕಲ್ಪವೃಕ್ಷವಾಗಿದೆ. ಇಂತಹ ಸಂದರ್ಭದಲ್ಲಿ ಕೋಲಾರ ಎಪಿಎಂಸಿ ಮಾರುಕಟ್ಟೆಗೆ ವಿನೂತನ ತಳಿಯಾದ ಕಾವೇರಿ ಕೆ.ಟಿ.ಹೆಚ್. 354 ಎಂಬ ಬೆಳೆ ಬಿಡುಗಡೆಯಾಗಿದ್ದು, ರೈತರಿಂದ ಉತ್ತಮ ಪ್ರತಿಕ್ರಿಯೆ ಹಾಗೂ ಒಳ್ಳೆಯ ಬೆಲೆ ಮಾರಾಟವಾಗುತ್ತಿದೆ.

ಇಂದು ಬೆಳಿಗ್ಗೆ ಕೋಲಾರ ಎಪಿಎಂಸಿ ಮಾರುಕಟ್ಟೆಯಲ್ಲಿ ಕಾವೇರಿ ಕೆ.ಟಿ.ಹೆಚ್. 354 ತಳಿ ಕಂಪನಿಯವರು ಹೊಸ ತಳಿಯನ್ನು ಬಿಡುಗಡೆಗೊಳಿಸಿದರು. ಈ ಸಂದರ್ಭದಲ್ಲಿ ಮಾತನಾಡಿದ ಮಾರಾಟ ಮುಖ್ಯಸ್ಥರಾದ ರಾಜೇಶ್ ಶರ್ಮ, ರಾಜ್ಯ ವ್ಯವಸ್ಥಾಪಕ ಜೆ.ಎಸ್.ಸುದರ್ಶನ್, ವಿನೂತನ ತಳಿಯಾದ ಕಾವೇರಿ 354 ಎಂಬ ಟೊಮೋಟೊ ತಳಿಯು ರುಚಿಕರವಾಗಿದ್ದು, ಸಾಗಾಣಿಕೆಗೆ ಸರಾಗವಾಗಿದ್ದು, ಬೆಲೆಯೂ ಕೈಗೆಟುವಂತಿದ್ದು, ಉತ್ತಮ ಪ್ರತಿಕ್ರಿಯೆ ಲಭ್ಯವಾಗಿದೆ ಎಂದರು.
ಈ ಸಂದರ್ಭದಲ್ಲಿ ಸೇಲ್ಸ್ ಆಫೀಸರ್ ಷಂಷೀರ್, ಕೋಲಾರ ಪ್ರತಿನಿಧಿ ಶ್ರೀನಿವಾಸ್, ಚಿಕ್ಕಬಳ್ಳಾಪುರ ಸೋಮಶೇಖರ್, ಬಾಲಾಜಿ ಟ್ರೇಡರ್ಸ್ ಶ್ರೀನಾಥ್‍ರೆಡ್ಡಿ ಉಪಸ್ಥಿತರಿದ್ದರು.

ವರದಿ: ಮೊಹಮ್ಮದ್ ಶಬ್ಬೀರ್, ಶ್ರೀನಿವಾಸಪುರ